طبيب جروحي ومالك روحي

بارت ٣٣

بعد مرور ٣ اسابيع . .

انا : مريامي حبيبتي قولي بسم الله ولا تتوترين ريوم نزلت اكيه الحمدلله

مريم ترص على ايدي وتتنفس بقو . .

انفتح الباب ودشت مريم . . كانت متوتره من الناس اللي بتشوفهم ف ويهها . . تمت تمشي وهي تسمي ف قلبها لين ما الحمدلله وصلت الكوشه ويلست . .

بعد دقايق بسيطه من الزفه . . شغلو الاغاني وبدو الناس اييون يسلمون عليها . .

ام بطي يت صوبنا : حبيبتتي فديت بنتي الغاليه مرت الغالي . . ياااحظ بطييي فيج

مريم تبتسم : فديتج عموه . .

ظبيه : عيوني مريم مبروك . . الله يعينج عاد على اخوي

نجود : هيه والله الله يعينج . .

ام بطي : يلا عاد الا ولديه " صدت علي وعلى مريم " لا تصدقينهم حليله بطي صاخ ولا يقول شي . .

ضحكنا كلنا وسارو عنا . .

حصه يايه صوبنا تضحك : اقولكم ريموه معصبه

انا : ليش

حصه : تضاربت ويا راشد وماتباه ينزل يشوفها

مريم : هاي هبلااا شوو

انا : استغفرالله حتى فيوم عرسهم متضاربين هايل شو

مريم + حصه ضحكو . .

عقب ساعه ب الضبط . .

بيدش راشد ويا ابوه و يدي وابويه . . خوالي عشان ما يدشون على مرتين قالو عقب ما يدش بطي بشوي بيدشون هم . .

الصاله ماشاءالله كانت وااايد وسيعه . . ف كوشه مريم و ريم كانو نفس الصوب بس بعاد عن بعض والممر اللي بينهم كان وايد نازل ع الارض وبشكل دواري وينقسم قسمين على كوشة كل وحده . . يوم دخل راشد نزلو الستاره الخفيفه بشكل مرتب على كوشه مريم من فوق عشان ما تبين . .

اشتغلت الزفه ودخل راشد . . كان مب مصدق انه خلاص خذ ريم . . ابتسامته فاظحتنه . . وصل صوبها وباس راسها . . وعقب سلمو عليها الباقين وسارو . .

راشد يشوفها وهي تشوف سيده . . كانت ما تبا تجوفه . .

راشد يبتسم : مبروك يالمنفسه يالحلوه ياللي حتى فيوم عرسج معصبه

ريم صدت عليه : المشكله ماروم اصرخ هني ولا اعرف كيف اتفاهم وياك . .

راشد ضحك : فديت ه الويه . . محلوه