انا بصدمه : خالي حامد !
خالي حامد يبتسم : السلام عليكم
ابويه بعصبيه : انته شووو تسوووي هننني!!
زايد واقف مب عارف شو يسوي . .
عبدالله : ابويه اذكر الله . .
خالي حامد يرمس بهدوء : انا ياي اريح ضميري على كل اللي سويته . .
تقرب صوبي وانا كنت ارجع على ورا . . عبدالله كان حذالي . .
عبدالله بتهديد : لا تقرب . .
خالي حامد وقف وتنهد : ابويه ساره . . انا اللي سويته فيج وايد . . و وايد تعبتج وقسيت عليج . . بس والله من حبي لج . . وانتي بنتي فالنهاية . . مايستوي ما ايي واباركلج . . " ابتسم " الله يتمملج على خير يارب . . وسامحيني على كل اللي سويته . .
انا اجوفه بصدمه . .
ابويه : عقب شووو
خالي حامد : انا حلمان انه ربي غضبان علي وبياخذ روحي قريب . . ويلست افكر ف كل شي سويته ف حياتي . . انا وايد عصيت ربي . . قررت اسير باجر العمره اتوب وادعي ربي انه يغفرلي . . و ياي الحين استسمح منكم وابيكم تسامحوني . .
كل حد سكت عقب الكلام اللي قاله حامد . . معقوله حامد استوا جي . . الله هداه ؟ . .
عقب سكوت طويل . .
انا : مسامحتنك
كلهم صدو علي مصدومين . .
انا : ف النهاية انته خالي وكنت اقرب واحد ل امايه . . وربتنا دوم نسامح الباقين . . لانه مب نحن اللي ناخذ حقنا منهم . . ربنا هو اللي ياخذه . . " ابتمست " الله يبارك فيك خاليه والله يهديك يارب . .
خالي حامد نزلن دموعه. . عشان ما نشوفه طلع برع وهو يقول : مشكوره . .
كلنا كنا مصدومين من الموقف اللي صار . . اللي صار صدق ولا حلم ولا شو . . ابويه تقرب صوبي وباس ايدي
ابويه يبتسم : فديت بنتي المربايه العاقله . .
انا ابوس راسه : حبيبي ابويه . . تربيتك انته وامايه هاي . .
زايد ابتسم . .
عبدالله : يلا يا اختيه تأخر الوقت . . سيري و استانسي ولا تفكرين ف شي مول . .
سلمت عليهم وكل حد يصيح من صوب . . الشنط كانت اولردي ف السياره . . تجدمنا انا و زايد و ركبنا . .
أنت تقرأ
طبيب جروحي ومالك روحي
Fantasyتُهدم الأحلام بأبسط كلام يُقال ، ولكن بِمُساعدة شخص احتل قلبِك بعزته وحُبك له ، يُبنى كل شيٍ هُدِم. ♡︎
