امون : سواري شربي شوي
انا ادز الكوب بعيد : مابا
سلامه : ساروه بتتصفعين شربي
سحبت كوب الماي عنهم وشربت شوي . .
ريم : شو اللي استوى
حصه : انا و هزاع كنا ف الخيمه طلعنا على صوت عمار يصرخ ساره طاحت . . طلعنا وشفنا ساروه طايحه ع الارض وعمار يدقها على ويهها . .
قاطعتها : شيخه كانت موجوده
حصه : بسم الله عليج . . محد الا عمار اللي كان موجود وشيخوه من زمان مروحه . .
انا مخي كان وايد يعورني ومب قادره افكر ف ولا شي . . اكتفيت بإني اقول : دقو على زايد خل يشلني بروح
لميا : سواري حبي انتي ماعليج شر بعدنا بنيلس نوري الضو ونسولف . .
عذبه : خليها برايه تعبانه اكيد . .
ريم : دقيتله مايشله . .
انا : رمسي هزاع خله يردني
حصه : يوم طمنتهم انج قمتي . . كل الشباب طلعو سارو صوب السيح الا عمار تم يالس ويا خوالي . .
مريم : خليه يردج انزين
انا بسرعه رمست : لا
كلهم صدو شافوني
انا : خلاص مب لازم بتم يالسه هني
امون : سارونه متأكده
انا : هيه حبيبتي
امون : خلاص براحتج
نشو كلهم طلعو عني وتميت طايحه ف الغرفه . . احاول افكر باللي استوى . . حسيت اني ابي اصيح . . معقوله عمار قال ه الشي . . ليش الحين . . هو على ويه زواج . . والحقيره شيخه وكلامها اللي يغث . . تميت طايحه ع الشبريه ورقدت وانا مب حاسه ف عمري . .
قمت على صلاة المغرب . .
زايد يدق ويهي : حبيبي
فتحت عيوني ورديت اسكر . . بعدني مب مستوعبه شو مستوي . .
تقرب وباس راسي : يلا قومي أذن المغرب . .
فتحت عيوني وشفته يالس حذالي ويالس يمسح على شعري . .
انا : رديت؟
أنت تقرأ
طبيب جروحي ومالك روحي
Fantasyتُهدم الأحلام بأبسط كلام يُقال ، ولكن بِمُساعدة شخص احتل قلبِك بعزته وحُبك له ، يُبنى كل شيٍ هُدِم. ♡︎
