طبيب جروحي ومالك روحي

بارت ٣٥

صباح اليوم الثاني . .

الساعه تشير للسبع ونص . . قمت وجفت زايد بعده راقد . . نشيت وشليت ثيابي ودخلت خذتلي شاور . .

اليوم بالنسبه لي اليوم الوحيد اللي لازم استانس فيه عدل لانه خلاص من باجر ببدا دراسه بأذن الله وزايد بيبدا دورته . .

طلعت من الحمام ( عزكم الله ) واحس ببرد فضيييع . . سكرت المكيف وفتحت الستاره . . زايد صد الصوب الثاني وغطى ويهه . .

انا سرت صوبه : زايد . .

زايد : ...

انا ادقه : زايد يلا قوم . .

زايد يفتح عينه بصعوبه : الساعه كم

انا : ثمان استوت يلا

زايد : شوي شوي بس

خليته وسرت الصاله وسويتلي كوفي . . لين ما يفور الحليب شليت فوني وشفت مريم مطرشتلي شي . .

مريم : ساروه تخيلي شو استوى وياي عقب ما طلعنا من عندكم . .

.

.

مريم دشت وبطي سكر الباب . .

رن فون بطي وماشله. .

مريم استغربت بس طنشت الوضع . . سارت الغرفه وبدلت ثيابها ولبست بجامتها. . باب الغرفه ماكان مسكر عدل ف كانت تسمع شو اللي يقوله . .

بطي : انزين انا شو يخصني فيها . . " يتنهد " يامحمد كم مره قلتلك خلاص ودرت ه السوالف انا . .

مريم " كنت احاول اتقرب من الباب عشان اسمع عدل وبالغلط طلعت صوت "

بطي صد صوب الباب : يلا يلا حمود برمسك عقب . .

وسكر . .

مريم " سرت بسرعه صوب الشبريه عساس بيلس "

بطي دش الغرفه : خلصتي؟

مريم : هيه

بطي سار صوب الكبت عشان يشل ثيابه . .

مريم تجوفه وتبا تعرف الموضوع . .

بطي صد عليها وانتبه انها تجوفه : فيج شي حبيبي؟

مريم صدت الصوب الثاني : لا . . يلا برقد انا

بطي : انزين تريي ببدل وبيي بسولف وياج

مريم : تعبانه . .