طبيب جروحي ومالك روحي

بارت ٢٢

النيرس : لوسمحت اهدى .. المريض مافيه شي الحمدلله .. بس حبيت ابلغك انه الحمدلله عاد لوعيه . .

عبدالله تنهد وارتخت ملامحه . . كان مصدوم : ها . . الح . . الحمدلله . . تمام شكرا ، بنكون هناك قريب . .

وسكر عنها ..

انا : عبود شو السالفه بلاه ابويه

عبدالله ابتسم ودمعت عيونه : عاد لوعيه

كلنا قمنا ومن الصدمه نصرخ ونصيح .. قمنا وسرنا المستشفى على سيارتين .. مها وعبدالله و سلامه ويا ولدها ف سياره .. وانا و هزاع و ريم و مريم ف سياره ..

انطلقنا وسرنا المستشفى . . اول ما وصلنا سار عبدالله وسأل اذا يستوي كلنا ندش عليه او لا .. اول شي رفضو بس حاول يقنعهم والحمدلله اقتنعو .. انا كنت اول وحده ادش .. نزلن دموعي اول ما شفته .. ركضتت وحضنته وعقب دشو الباقين ..

انا احضنه وانا اصيح وهو يبادلني الحضن : الحمدلله ع السلامه ابووووويه ..

ابويه تنزل دموعه : الله يسلمج يا اميه ..

يو الباقين وباسو راسه .. تقربت سلامه وحطت مايد فحظنه وباست راسه : ابويييه .. جوف حفيدك " دمعت عيونها وابتسمت " سمييك ..

ابويه وخى عليه عشان يبوسه ودمعت عيونه : فديت روحه . . " تم يتأمل ملامح ويهه "

يلسنا كلنا نسولف وياه ومستانسين عليه انه الحمدلله ردتله عافيته . .
سار عبدالله وسألهم متى يقدر يطلع وقالو لازم يتم تحت المراقبه اسبوع على الاقل . . واذا كل شي بخير وفحصوه ومافيه شي . . يقدرون يطلعونه وعقب بس ايي حق المواعيد . .

طبعا تم ابويه اسبوع ونص تقريبا فالمستشفى زياده . . و في هاي الفتره كان يسألنا عن امايه . . ف البدايه ما خبرناه عشان ما يرد يتعب . . بس عقبها صارحناه ب الصدق . . و حزتها انهاااار . . وتم يلوم عمره لانه هو اللي كان يسوق . . بس الحمدلله سكت عقب عن الموضوع بس بعدني اعرف انه قلبه مب بس تكسر الا متفتت . . ما تم منه شي . . الحزن كان مبين عليه لو شو ما سوى . . بس نرد نقول . . كل شي مكتوب والحمدلله على كل حال

عقب ما الحمدلله طلع من المستشفى . . يدي قرر يسويله عزيمه على غدا ف بيته . .

عبدالله : يلا وييينهم بنتأخر عليهم

هزاع : مادريبهم . . ماتعرف انته لوية البنات

مها دشت الصاله : السلام عليكم

عبدالله + هزاع : وعليكم السلام