طبيب جروحي ومالك روحي

بارت ١٨

انا كنت سايره المشغل ورديت البيت .. شفت ابويه وامايه يالسين ف الصاله

انا : السلام عليكم

امايه + ابويه : وعليكم السلام

ابويه : هاه شو المحل

انا يلست : والله ابويه الحمدلله الامور ماشيه تمام ونص الاغراض باديه تخلص ف لازم نيب غيرهم

امايه : الحمدلله بفضل الله وفضلكم

انا : الحمدلله

ابويه : شو صار على موضوع عرس عبدالله

امايه : رتبنا كل شي وعطيناهم المهر

انا : نحن مخلصين الفساتين والترتيبات .. بجوف مهوي اليوم اذا تبا شي

صعدت عنهم فوق وسرت غرفتي ... في ه الشهر اللي طاف .. وايد اشياء استوت .. هزاع بدا يتقرب ل حصه وحس انه يكن لها مشاعر

.

.

.

هزاع يدش بيت يدي : هلااا يدوهه

يدوه : هلا ب شيخ الريايييل

سار هزاع باس راس يدوه : شحالج ي الحلوه

يدوه تضحك : بخير حبيبي

هزاع : يدي وين

يدوه : ف الحجره ويا حصه ..

هزاع : هاي شو تسوي هني

حصه دشت وهي ميوده ايد يدي : كيفي اسير المكان اللي ابيه انته شو تبا

قام هزاع باس راس يدي وصفع حصوه ع راسها ب الخفيف

يدي : يالهرمم تباني امرغك

هزاع : يدي ما تجوف لسانها

يدي : انطب يلا كله ولا الحص

حصوه تشوف هزاع وتضحك ..

تمو يسولفون ويا بعض ...

يدوه : حصوه قومي هاتي الفواله من المطبخ

حصه : ان شاء الله يدوه

قامت حصه ولحقها هزاع

حصه : نعم شو تبا ياي

هزاع : منو ردج هاك اليوم من الجامعه

حصه : مايخصك

هزاع : بترمسين ولا شو