Superficial Love 🤍

Episode 6

ဘုန်းမှာ ဘယ်သူ့မှမသိတဲ့ သူ့ရဲ့ကိုယ်ပိုင်တိုက်ခန်းလေးရှိလေသည်။ သူစိတ်ညစ်ချိန်တိုင်း ၊သူပြိုလဲတိုင်း သူဒီတိုက်ခန်းလေး၌သာ အချိန်လာဖြုန်းလေ့ရှိသည်။ ခုလဲသူတိုက်ခန်းလေးကိုရောက်လာရပြန်ပြီ၊ဧည့်ခန်း၌ တသ်ခုတည်းသာရှိသော ဆိုဖာခုံတန်းရှည်ပေါ်သို့ သူမှောက်လှဲလိုက်သည်။

" အားလုံးအမြင်မှာ ငါကပဲလွဲမှားနေတာလား၊
ငါ..ငါကပဲ..."

သူတစ်ယောက်တည်းပြောနေရာမှ သူ့စကားတွေထက်ထွက်မလာတော့ပါ၊ သူမျက်လုံးတွေကိုပိတ်လိုက်တဲ့အခါ မျက်လုံးထောင့်စွန်းမှ အရည်ပူများစီးကျခြင်းနဲ့အတူ သူ့ရဲ့အတွေးတွေလည်း အတိတ်သို့ပြန်ရောက်သွားလေသည်။

~~~~~~~~~~~~~~~~~~~~~~~

Flash back,
5 years ago....

ဖြာယှက်နေသောနေရောင်ကို ကာထားတဲ့သစ်ပင်ကြီးများသည် လေယူရာယိမ်းနေလေ၏။ ကွတ်တိကွက်ကျား နေရောင်ကျရောက်နေသော လျှောက်လမ်းလေးတွင် polo shirt ဖြူစွတ်စွတ်လေးကို ညိုဖျော့‌ဖျော့ cropped pants နှင့် တွဲဖတ်ဝတ်ဆင်ထားသော အသားဝင်းဝင်းနဲ့ကောင်လေးတစ်ယောက်၊ ခြေလှမ်းညီညီဖြင့် လမ်းလျှောက်လာသည်။ ထိုကောင်လေး၏ ဘယ်လက်ထဲ၌လည်း mini cake မုန့်ဘူးလေးကိုကိုင်ထားသေးသည်။
ခြံဝန်းကျယ်ကြီးရှေ့၌ ထိုကောင်လေး၏ခြေလှမ်းများရပ်တန့်သွားသည်။ ထိုကောင်လေးကိုမြင်သည်နှင့်ခြံထဲမှ ဦးလေးကြီးတစ်ယောက်က ပြာပြာသလဲ တံခါးလာဖွင့်ပေးလေသည်။

" အကိုလေးဘုန်းမောင်ရယ် မျှော်လိုက်ရတာ "

" ဟမ် ၊ ကလေးဘာဖြစ်လို့လဲ "

သူ၏အသံချိုချိုဖြင့် မေးလိုက်သည်။ဘုန်းတစ်‌ယောက်ဒီလို မေးလိုက်ရခြင်းက စကားနည်းလှတဲ့ ခြံစောင့်ဦးလေးကြီး၊ ဒီလိုပြောပြီဆိုသူသိလိုက်ပြီ ရှိန်တမာန်တဲ့ သူ့ရှင်သန်ရာလေးက ပြသာနာတစ်ခုခုရှာထားလေပြီဆိုတာကိုပေါ့။

" အကိုလေးဘုန်းမောင် အိမ်ထဲသာဝင်ကြည့်လိုက်ပါ "

" စိတ်မပူပါနဲ့ဗျ၊ ကျွန်တော်ရှင်းလိုက်မယ် "

ငြိုးငယ်သောမျက်နှာဖြင့်ပြောလာတဲ့ ခြံစောင့်ဦးလေးကြီးကို သူတည်ငြိမ်စွာပင်ပြော၍အိမ်ထဲဝင်လာလိုက်သည်။
သူအိမ်ထဲဝင်လိုက်တာနဲ့ မြင်ရလိုက်ရတာဟာ ရှုပ်ပွနေတဲ့ဧည့်ခန်းပင်ဖြစ်သည်။
ဘုန်းကိုမြင်သည်နှင့် ကွဲနေသောပန်းအိုးစတွေကိုသိမ်းနေတဲ့ အိမ်တော်ထိန်းကြီးနွယ်က ဘုန်းနားကိုအပြေးလေးရောက်လာသည်။ အိမ်တော်ထိန်းကြီးနွယ်ကိုမြင်သည်နှင့် ဘုန်းလဲပဲအမေးစကားစလိုက်သည်။