Superficial Love 🤍

Episode 18

ညမီးအလင်းရောင်အောက်မှာ ရှုပ်ယှက်နေအောင်
သွားလာသူအများအပြားနှင့် ပြည့်နှက်နေလေသည်။
သူနေထိုင်ရာ ဟိုတယ်၏ မျက်နှာချင်းဆိုင်က
ပန်းခြံငယ်ထဲတွင်လည်း ထိုနည်းတူပင်။
သူ့မျက်ဝန်းတွေဟာ ထိုပန်းခြံထဲမှသွားလာနေသူတွေကိုကြည့်နေသော်လည်း သူ့စိတ်အစဉ်သည် သူ့ဘေးမှစကားပြောနေသော လူထံ၌သာရှိလေသည်။

သူ့လက်ထဲမှ cigarette တစ်လိပ်ကို ကုန်စင်အောင်ရှိုက်ပြီးမှ ထိုမြင်ကွင်းတွေ ဖုံးကွယ်သွားအောင် လိုက်ကာကိုဆွဲပိတ်ချလိုက်သည်။
ထို့နောက် ထိုလူ့ဘေးတွင်ပြန်ဝင်ထိုင်လိုက်ပြီး

" ဟုတ်လို့လား "

" Austin, I will not lie to my brother! "

ဘုန်းမောင်တို့ဆီ သတင်းသွားစုံစမ်းခဲ့သည့် Edem ရဲ့စကားကိုသူမေးခွန်းထုတ်မိတော့ Edem ကလဲချက်ချင်းပင်ခွန်းတုံ့ပြန်လာသည်။

" ငါတို့က Grandpa ကြောင့် အလုပ်တူတူတွဲလုပ်နေတာ That's all ၊အလုပ်အတူတူလုပ်တဲ့ လူတစ်ယောက်အပေါ် ထားရမယ့်ယုံကြည်မှုထက် မင်းကိုပိုယုံမနေဘူး "

" Huh ..,hey Austin
မင်းလည်းအရွယ်ရောက်နေပြီပဲ ဘယ်ချိန်ထိ
မင်းမာမီရဲ့ မဟုတ်တရုတ်စကားတွေကို
ခေါင်းထဲထည့်ထားဦးမှာလဲ၊
How many times have I hurt you like your mom's said? ၊
I won't fight you for inheritance, like my brother.
I am not interested in the inheritance I should have "

Edem ကအမှန်စင်စစ် Austin လိုဗမာသွေးနှောမဟုတ်ခဲ့ပါ။ သို့သော်သူ့ရဲ့ Burmese accent သည် ဗမာသွေးနှောဖြစ်သည့် Austin ထက်ပင် ကောင်းမွန်နေလေသည်။
ယခုလည်း Edem ကဗမာလိုတစ်ချက်တစ်ချက်ထည့်ပြောနေလေသည်။
Austin က Edem ၏စကားကိုတစ်ခွန်းမှပြန်မဖြေဘဲ cigarette နောက်တစ်လိပ်ကို မီးညှိကာရှုရှိုက်နေပြန်သည်။

"  မင်းကိုမဟုတ်တာတွေပြောလိုက်လို့
ငါ့အတွက်ကောင်းသွားတာမရှိဘူး "

Edem ကခပ်ပြတ်ပြတ်ပြောပြီးနောက် Austin
ဆွဲပိတ်ထားသော နီညိုရောင်လိုက်ကာတွေကို တစ်ဖက်တစ်ချက်ဆီသို့ ပြန်တွန်းပို့လိုက်သည်။

ထိုအခါမှ Austin မှုတ်ထုတ်ထားသော ဆေးလိပ်ငွေ့တို့သည် အခန်းပြင်သို့ထွက်ကာ လွင့်စင်သွားတော့သည်။
သူ့မျက်နှာအား ပွတ်တိုက်လာသော လေနုအေးတို့ကို ခံယူလိုက်ပြီးနောက် Edem ကပဲခပ်‌အေးအေးပင် စကားပြန်ဆက်သည်။