" ဘယ်လိုပဲ မင်းရဲ့ဦးလေးဖြစ်နေပါစေ ၊ ခုဒီနေရာဒီချိန်မှာ သူကမင်းအထက်လူကြီးပဲ၊
အထက်လူကြီးတစ်ယောက်ရဲ့ စကားကိုဘယ်လိုတောင် ဖြတ်ပြောလိုက်တာလဲ !! "
" စိတ်လျှော့ပါ ရဲမှုးချုပ် "
ဆဌဂံပုံ မှန်စားပွဲကို လက်ဖြင့်ရိုက်ချရင်း အော်ပြောလိုက်သော ရဲမှုးချုပ်ကို Leader C ကတားလိုက်သည်။ ထို့နောက် Leader C က ဘုန်းမောင်အနားသို့လာ၍ မှန်စားပွဲပေါ်တွင် တစောင်းထိုင်လိုက်ရင်း စကားဆက်သည်။
" ခေါင်းဆောင်ဘုန်း... ၊
ဒီလိုအချက်လက်လေးလောက်ပဲ သိပြီးတထစ်ချသတ်မှတ်လို့မရဘူးဆိုတာ ကိုယ်တို့လဲသိတယ်၊
ဒီလိုဆိုတိုင်းလည်း ဒီကလေးမဟုတ်ဘူးလို့တော့
ပြောလို့မရဘူးလေ၊
မင်းခံစားချက်တွေကို ကိုယ်တို့နားလည်ပါတယ်၊
ခုချိန်မှာအခံစားရဆုံးကမင်းဆိုတာလဲသိတယ်၊
မင်းက စုံထောက်တစ်ယောက်လေ ၊
ကိုယ်ခုပြောတာက မင်းခံစားချက်ကိုမကြည့်ပဲ တစ်ကိုယ်ကောင်းဆန်နေရာ ကျမှန်းလည်းသိပါတယ်၊
ဒါပေမယ့် ရုံးချုပ်အထူးတပ်ဖွဲ့ရဲ့ ခေါင်းဆောင်တစ်ယောက်အနေနဲ့ပဲ ပြုမှုပါ၊ ဒါကိုစုံစမ်းနေချိန်အတွင်းမှာတော့ မင်းခံစားချက်ကို ပိတ်လှောင်ထားသင့်တယ် "
" ဟုတ်ကဲ့ ကျွန်တော် သိပါတယ်၊ ကျွန်တော်ပြောချင်တာကလဲ သုန်းက Lavender ရဲ့ခေါင်းဆောင်မဟုတ်ဘူးလို့ပဲပြောတာပါ "
ဘုန်းမောင်၏ အသံချိုအက်အက်ကလေးဟာ တိကျပြတ်သားစွာ ဖွင့်ဟလာသည်။
" ဟုတ်ပြီ မင်းဒီလိုပြောတာ အကြောင်းရှိမှာပဲ ၊
ကဲ ရှင်းပါဦး "
Leader C ကသူ့နာမည်မှန်ပြား ရှိရာခုံနေရာသို့ သွားပြန်ဝင်ထိုင်၍ အသံကြည်လင်စွာဖြင့်ပြောလိုက်သည်။
ဘုန်းမောင်လည်း ခေါင်းအသာငြိမ့်ပြလိုက်သည်။
" ကျွန်တော် သိထားတဲ့သက်သေတွေကြောင့် ၊ ကျွန်တော် ခံစားချက်မထိန်းနိုင်ဘဲ မရိုသေမလေးစားဖြစ်သွားတဲ့အတွက် တောင်ပန်ပါတယ် အမှုစစ်ချုပ်ဦးခွန်းမြင့်မိုရ် "
" ရတယ် ဘုန်း၊
မင်းသိထားတာတွေသာ အမြန်ပြောပြတော့ "
သူ့ဦးလေးဖြစ်သူ ဦးခွန်းမြင့်မိုရ်က သူ့ကိုပြုံးပြရင်းပြောလာတော့ ဘုန်းမောင် တစ်ချက်ပြန်ပြုံးပြလိုက်သည်။
ထို့နောက် အကြီးကဲငါးယောက်ကို အချက်အလက်စာရွက်တွေ လိုက်ဝေပေးပြီးနောက် projector screen တွင်အချက်လက်တစ်ခုကိုပြလိုက်သည်။
YOU ARE READING
Superficial Love 🤍
Romansa' ရှေ့လျှောက် ဘာတွေပဲဖြစ်နေပါစေ ကိုယ်မောင့်ကိုထပ်မထားခဲ့တော့ဘူး ' ~ ရှိန်တမာန် ~ ' အရာအားလုံးဟာ အတိတ်မှာကျန်ခဲ့ပြီ၊ ငါနှလုံးသားကိုလည်း အတိတ်မှာပဲ မြုပ်နှံခဲ့လိုက်ပြီ ' ~ မြတ်ဘုန်းမောင် ~
