مساء الخير ، حبابي شكراً على تفاعلكم ..
و أحب اوضح اني صح عودتكم ع السرعه في تنزيل البارتات بس
أنا حالي من حالكم وراي مجتمع غير الروايات و وراي دراسة واختبارات وبحوث و...الخ لذا اتمنى التفهم والصبر ...
-
ــ
ضلت برى القصر تنتظر إلا شافت سيارة فخمة تقرب و طلع منها ..
راكان و هو يطالع مصدوم : أنتي شتسوين هنا ؟؟
أم راكان أبتسمت و قربت منه : ولدي حبيبي أخيراً جيت هنا ..
راكان عقد حواجبه : أنتي من شنو مخلوقة تتوقعين أنك إذا لجأتي لهم راح
يطلعونك لا كلكم يومك جآ خلاص ..
أم راكان : و مشعل ؟ يهون عليك مشعل إللي ساعدك ؟
راكان و هو ينتفض : مشعل بحفر الأرض و أطلعه فاهمه ..
طلع من السيارة و توجه لهم ..
الجد ( سعود ) : بلا ما تستحين على وجهك ، أكيد جايه تسوين مصيبة ، بس
و حق اخوي و ولده و إللي سويتوه في هالمسكين راكان ما راح يطلع أحد منكم ..
أم راكان : هههههه لا خفت و الله ..
قبل ما يخلصون دخلتها الخدامة بس دخلوا معاها راكان و الجد ، ..
- قبل كم ساعة - ..
اتصال جا لحمد أنهم أقبضوا على أبوه و أحمد و أتجه هو و فيصل لمركز
الشرطة ، و قبل ما ينزلون من السيارة كانت رجفة حمد باينه عليه ..
فيصل و هو يمسك يده : تذكر حبيبي أني راح أتبع قرارك، كنت نآوي أدفنه
في السجن بس إذا قلت لي أتنازل راح أتنازل ع شانك ..
حمد ألتفت لفيصل : لا طبعاً كان راح يخطف عمرك في لحظة ..
فيصل قرب من وجهه حمد : حبيبي أنت أجل لا تضغط على نفسك ..
دخلوا المركز و دخلهم المحقق في غرفة كان فيها أحمد و أبو حمد و جلسوا
أبو حمد يكلم ولده : حمد يهون عليك ترميني في السجن مثل الكلاب ..
حمد و هو متنرفز : تكرم الكلاب منك ..
المحقق : أنت وياه ما سمحنا لكم تتكلمون ..
فيصل مسك يد حمد و أشر له يسكت عنه ..
جلس المحقق و تكلم عن تفاصيل إللي صار ذيك الليلة ..
أحمد ببراءة : أنتوا شفتوا العلبة إللي فيها الشراب كانت علبة عصير ، شفناها
في شقته و شربناها و سكرنا ..
حمد أنصدم : نعمممم ؟
المحقق يأشر لحمد يسكت : كمل أحمد ..
أحمد : أيه و أستغفرالله إذا سكرت راح عقلك و صار إللي صار ..
فيصل ضرب ع الطاولة بعصبية : بتثبت أنو الخمر كان عند حمد ؟
المحقق خز فيصل ع شان يسكت و ألتفت لأحمد : من هالناحية متأكدين
مئة بالمئة أنو الخمر منك يا تبن لا تكذب و أنت في ذمة التحقيق مآ هي أول
مرة تمسكك نفس هالقضية ..
أبو حمد : نبي المحامي و ينه ؟
حمد : أي محامي ؟
أحمد : مشعل ولد أختي حبيبي ...
حمد تنرفز : تتوقع مشعل بيجي لكم يا حثالة ..
المحقق : لا تتلفظ و أنتوا مشعل جآ من شوي للمركز و أعترف بكل شي ..
أنصدموا جميع ووقف حمد : اعترف ؟ بأيش ؟
المحقق : أجلس قبل ..
جلس حمد و شاف فيصل تعابيره إللي ما تطمن ..
أبو حمد بدا يرجف : ب..إيش أعترف ؟
المحقق : بكل شي تتوقعه ...
أحمد إللي كان مريح باله : و إذا ؟
المحقق بعصبية : لا تتوقع أنك بتطلع مثل كل مرة ..
أبو حمد بحدة : أعترف عن نفسه و إلا ؟
المحقق : أعترف بكل شي و سلم نفسه للشرطة ..
حمد و كأن أحد صب عليه مويه باردة : عن نفسسسه !
المحقق بإحباط : أيه مع أنها صدمة لنا كلنا بس هذا إللي صار فضح كل
شي عنه و عن عايلته كلها ..
أبو حمد وقف : لا مستحيييل أكيد رمى كم كلمة كذب ، قال لك عن إللي سواه
و تزويره مستغل منصبه القانوني ؟
المحقق تنرفز : أنت شدخلك فيه الحين تدري كم قضية صارت عليكم أنتوا
الأثنين الحين ( ألتفت لحمد ) و أنت ليش ضليت ساكت و أنت تدري عن كل
شي ..
