فيصل كسر خاطره حمد قرب منه بشويش كان يبي. يواسيه رفع يده
و مسح فيها على ظهر حمد - كان منظر حمد أليم ويوجع القلب ..
سحبه فيصل و ضمه لصدره بقوة - كان حمد يبي أي أحد يرمي بثقله عليه..
تمسك حمد بفيصل و كان يشهق بقوة ، فيصل ضل يطبب عليه و يواسيه
ما يدري وش يقول له ..
ــ
في دبي كانوا الشباب في كذا غرفة و راشد سحب بدر و عزوز معاه في غرفة .
عزام : ليش طيب هالتوزيع البايخ ؟
راشد : بكيفي أحب أسهر معاهم مواضيعنا مشتركة ..
عزام : افاا رشود و أنا ..
راشد : هذا معاك الباقي ، كفاية جناحكم كبير ..
طلعوا من عند عزام للغرفة إللي كان فيها ثلاثة أسرة //
انسدح عزوز ع السرير و نط عليه راشد و باس جبهته ..
راشد : و أخيراً على راحتنا ..
عزوز حاوط رقبة راشد و نزل راسه له و شفايفهم قربت من بعض ..
بدر أحمر وجهه و صرخ عليهم : أنت ويااااه شتسوون ..
عزوز و هو يكلم راشد : ليش جبته معانا ؟
راشد : غلطتي والله بس ما حبيت أحد يشك ..
بدر : أكلمكم ترى ..
راشد رفع مخده من جنبه ورماها على بدر : رح أخذ لك شاور بدور لين نخلص ..
بدر : تخلصون وشو ؟
عزوز : يا ربي عليك ما تبي تسبح أنزل أشرب كوفي ..
بدر و هو يآخذ جاكيته : قفلوا الباب ، مو مسؤول لو طاح عليكم أحد ..
راشد وقف و طلع بدر : يلا يا بعدي بدوري نشوفك بعدين ..
بدر : يا تبن أنت وياه أول و آخر مرة ..
راشد قرص بدر : و لا يهمك راح نضبطك أنت بعد ..
بدر تحمس : صدق !
راشد : ايه ايه بس يلا قبل ما يجي وقت العشاء ..
وقف بدر عند المصعد و أتجهت له ندى و سجى ووقفوا جنبه ..
ندى (أخت بدر) : بدووور وين بتروح ..؟
بدر بدون نفس : مدري يمكن مقهى ..
ندى : بنروح معاك ..
بدر رفع حاجبه : لا أنسي ..
ندى : تكككفى أخوي حبيبي ..
بدر : أوف قلت ما أبي مالي خلق ..
ندى : أستح سجى جنبنا ..
لف بدر و طالع في سجى : أوه سجى تغيرتي ..
سجى فرحت و ابتسمت له : للأفضل ..
بدر : ايه نحفتي كثير ، راحت سجى الدبدوبة ..
سجى و قلبها يدق : أيه كل شخص يتغير ..
بدر : عقبال إللي عندنا ..
ندى : شفيني شف رشاقتي ...
بدر : الرشاقة مو كل شي ..
فتح المصعد و ركبوا فيه و نزلوا ، عند بهو الفندق شافوا وليد وبناته ..
ندى لرغد : رايحين مكان ؟
رغد : ايوه السوبرماركت ، رهف أزعجتنا تبي تروح وتشتري لها مسليات ..
بدر كان يطالع في وليد إللي كان يتكلم مع رهف كل مرة يشوفه قلبه ينتفض .
رغد شافت بدر و تحمست و قالت لهم : تجون معانا ؟
ندى : لا وين رايحين نشرب كوفي ..
بدر : ما عندي مانع نروح سوبرماركت بعدين نروح سوا أي مقهى ..
رغد : ايه أنا بعد كان ودي أروح مقهى بس دام مقدر بدون رهف ..
وليد ما كان يسمعهم لأنه بعيد مع رهف بس شافهم جاوا لعنده ..
رغد : بابا راح يجون معانا السوبرماركت بعدها بنجلس في كوفي ..
وليد رفع راسه لبدر و ابتسم : أوك على حسابي طلعتكم ..
ندى : أوه مشكور ..
استأجر وليد سيارة ركب بدر جنبه و رهف أما الباقي وراهم ..
ندى كانت تهمس لسجى : عاد ما أوصيك اليوم حاولي تتقدمين خطوة ..
سجى : روحتنا مع وليد غلط ما راح آخذ راحتي ..
ندى : و لا يهمك أنتي بس جريه شوي شوي لك ..
رغد ما كانت تسمعهم عدل بس سمعت من كلامهم إللي كان طول ما هم في السيارة
طاري بدر عدة مرات ..
نزلوا السوبرماركت و تفرقوا ، رغد الفضول قتلها وسألتهم ..
رغد : عن شنو كنتوا تتناقشون ؟
ندى : سجى ا..
سجى : لا تقولين ..
رغد بإستنكار : ليش ؟
ندى : خليني أتكلم رغد على عمرها الصغير بس تفهم و عقلها كبير ..
رغد : شنو لا تحسسوني انو بينا 10 سنوات ..
ندى : سجى تحب بدر ..
رغد شهقت : شنوووو !
سجى : أووووش فضحتينا ..
رغد : لا لا ..
سجى : شنو إللي لا ..؟
رغد : إلا بدر ..
سجى بإستغراب : لا يكون أنتي بعد تحبينه ..
رغد بسرعه : لا أبداً بس أشوف أنكم أبد مو لايقين ..
ندى : ليش ؟ أشوفهم يهبلون مع بعض ..
رغد بتوتر : نصيحة مني لا تحاولين معاه ..
سجى عصبت : خلي نصايحك لك و إذا أنتي ما تحبينه لا تتدخلين ..
رغد : براحتك ..
