محتاج حبك

البارت ال ٥٣

مساء الخير ي حلوين الليلة راح انزل باقي بارتات الروايه ،
بس لي طلب تفاعلوا مع كل بارت لا تخيبون ظني 💔
بخلي وقت بين كل بارت والثاني اشوف تفاعلكم فيه و ع شان يآخذ حقه ><
قراءة منتعة ..
-

نايف و هو كاتم ضحكته : شتسوي بعد شوي عني ..
فهد إللي كان دافن وجهه في صدر نايف و متمسك فيه بقوة : ما أبي ..
نايف بدأ يحرك شعر فهد : ما جاوبتني ليش غيرت أثاث الشقة كله ؟
فهد : بس صفحة جديدة و بداية جديدة كل شي جديد ..
نايف رفع راس فهد له : حبيبي ما أبي أروح معاك الليلة ..
فهد عقد حواجبه : ليش ؟
نايف : هذول ربعكم أنا ما أعرف إلا عزام و سلمان ...
فهد : حسان و فواز و أسامة تراهم عادي بتآخذ راحتك ع الأخير ..

نايف : ما أبي ..
فهد باس شفايف نايف : حبيبي .. خلاص مانيب رايح ..
نايف : هههههه الحفلة ع شان طلعتك بالسلامة ما تروح ..
فهد : ايه من دونك ما بروح ..
نايف بإحباط : يووه فهودي ..
فهد جلس : أنت ما بتروح لأن ماجد موجود ؟
نايف لف عنه : لا طبعاً لأني ما أعرف الباقي ..
فهد : إذا على كذا بتزعلني ..
نايف : لا مو كذا قلت لك ..
فهد سند راسه على راس نايف : يلا أجل بتروح ..
نايف بيأس : طيب طيب .

ـــ
ضل يكابر أنه ما يروح لين أستسلم و لبس و راح مايبي يشوف فهد ، صدق
أنه حاول ينساه بس للحين المشاعر إللي تحرك له ما أستقرت و ما قدر
ينسى كل شي ..
سحب جواله و تذكر أنه ما صلحه و أنغبن ما يحب التعليقات لذا رماه و ما أخذه
معاه و طلع لفواز إللي جاي له ..
فواز : مجود ترى كنسلنا مو في الأستراحة بنروح مطعم ..
ماجد : عادي أي شي ..
فواز : تصدق من قلت لزوجتي أنك مساعدي و هي مستانسه ههههههه تقول
رجال و لا مرأة ..

ماجد ابتسم على خفيف بخجل : هذا هم الحريم غيرتهم من كل شي ..
فواز : من زين الفلبينيات أطالع فيهم ههههه
وصلوا عند المطعم و أنصدم ماجد ..
ماجد : هناا !
فواز : ايه ترى راعي المطعم زميل لنا و نعرفه لذا أصر أنه يصير في مطعمه ..
ماجد بيأس : بس ..
فواز لف له : شنو ؟
ماجد وهو يتذكر ميثم : و لا شي ..
في قاعة ال vip كانوا جالسين و يضحكون و يسولفون ..
سلمان : بخيييييل ..

ميثم : لا والله درزن شباب و بطلبون الأخضر و اليابس و مجاناً أستحوا عاد ..
عزام : يبرر بخله أنسى و هذا و شاد حيلك تعالوا مطعمي ..
ميثم : قلت لكم الحلا و القهوة عليّ بس خلصوا ..
فهد : خلاص مني أنا عزاموو بيدفع لكم ..
عزام خزه : أرتاح يالحب تراني ما جبت محفضتي تجنباً لهالمواقف ..
ميثم : هههههههههه و يقولون أني بخيل بعد ..
حسان : شفيكم عيال فقر ..
فهد : أدفع يا ولد النعمة أنت ..
حسان : كل واحد فلوس على قلبه أوف منكم بدفع ثمن طبقي ..

نايف كان كاتم ضحكته وش هالربع بس ما ضحك و ما تفاعل كثير معاهم ..
دقوا الباب و دخلوا ..
فواز : جيييت بعد قلبي فهوودي ..
فهد : هلا هلا بالقلب يا تبن وينك ما زرتني ..
فواز دخل و دخل وراه ماجد ..
فواز : حدد القلب أو تبن ..
فهد : تبن ألبق لشكلك ..
ماجد سلم عليهم و عيون ميثم عليه ، جلس قبال نايف و فهد ..
فهد : شخبارك ماجد ؟
ماجد إللي كان قلبه يدق : تمام و أنت ..؟
فهد ابتسم له : عال العال ..