سلام ي جميلين : )
شكراً لأسعادكم لي بتعليقاتكم ><
قراءة ممتعه ..
-
الشخصيات الجديدة ..
بندر : محقق عمره 27 سنة ، أبوه متزوج على أمه من زمان بس مع ذلك يحبها
بس زوجته الثانية و عيالها ما كانوا مرتاحين معاها و بعد ما خرفت بعد عنها أبوه
أكثر و أكثر لين طلقها حط لها شقة بس بندر ما رضى و أخذ أمه و سكنها في
بيت شراه لها و جاب لها خدامة تساعدها ، قاسي و قوي و عنيد و له هيبة و
مرعب في شغله وسيم و داهية في التحقيق محط أنظار رؤساءه كونه
الأفضل
من ناحية ثانية ضعيف عند أمه إللي دايم يفقدها نصحوه الناس يتزوج بس
خايف أنه ينشغل عنها إذا تزوج حياته المرتبطة بشغله و أمه هل بتتغير ؟
ـ
ليث : ولد عمتهم الوحيدة و الوحيد ، تزوجت عمتهم وهي صغيرة و راحت
مع زوجها أمريكا درس طب هناك و استمر في الدراسة و بعدها أستقر هناك
و أشتغل في مستشفى كانت تجي تزور أبوها و أخوانها في الإجازات لذا ليث
علاقته فيهم سطحية جداً ، مرة من المرات كانت في زيارة و ليث كان
في أول سنواته الثانوية سوت حادث في السعودية و ماتت و زوجها إللي كان
في أمريكا صابته حالة أكتئاب لا رضى يرجع السعودية و ما رضى يجيه
ليث لأمريكا لذا عاش عند جده ، كان وحيد و ضايع و الوحيد إللي تقرب منه
و صار صديقه هو نايف ضل سنتين طلعاته و ألعابه و سوالفه كلها متعلقة
في نايف لين سافر من جديد لأبوه و أستمرت علاقة الصداقة بينهم في الرسايل
و الأتصالات و راح له نايف أمريكا كذا مرة و زاره ليث في السعودية بس
آخر سنتين كانت تطبيق صارم ف كانت أتصالاتهم قليلة و ما زاره أبد ،
مرح جداً و إبتسامته ما تفارقه عفوي و تعلقه بنايف ولّد في داخله مشاعر أتجاهه ..
ـــ
نايف و هو يشد على ليث : الحمدلله على سلامتك تو ما نور المكان ..
فهد وقف و سحب ليث من حضن نايف و ضمه : شخبارك ليثوه ..؟
ليث بعفوية شد على فهد : تمام دكتور فهد و أنت شخبارك ؟
فهد و هو يبعد عنه : أنا عال العال ..
راشد و هو يسلم عليه : خلاص بتستقر هنا ؟
ليث : أيه إن شاء الله ..
بعد ما خلصوا سلام و ترحيب جلس ليث جنب الجد ..
ليث و هو ماسك يد جده : ما تصدق قد ايش وحشتوني بش قلت إلا أخلص
ع شان خلاص تصير الرجعه إللي ما بعدها رده ههههههههه..
الجد و هو ماسك دمعته هذا الباقي من ريحة بنته : أهم شي أنك بصحة وسلامة
لو أنك قايل لنا جهزنا لك جناحك ..
ليث : مو مشكلة جدي أنام في أي مكان أغراضي بعد يومين بتوصل ..
الجد : شرايك تنام في جناح راشد أو تركي أثنينهم فاضين و نظيفين حالياً ..
ليث : أي مكان عادي ..
الجد : رح سلم على جدتك فرحها فيك ..
وقف ليث و راح لجدته و حديثهم كله صار عنه و عن أنه تغير و شكله
نضج و ضعف و ووو ..
فهد بهمس : قم نطلع أبيك شوي ..
نايف و هو يشرب شاي : وشو قل هنا ..
فهد طالع فيه : بقول و بسوي هنا ..
نايف نزل بيالة الشاي و على طول رد : قم قم ..
