بارت لعيونكم : ) قراءة ممتعة ...
-
تعابير تركي و راكان ما تترقع ابد باين عليهم الإنزعاج بس ما علقوا لما
خلص كل شي و طلعوا الضيوف ما بقى إلا العايلة بس ابتسم الجد لراكان
و قال له : أدري صدمتك بس ما راح اشوف لها واحد أحسن منك ابدا و بهذا
أثبت لك غلاتك علينا ..
راكان كان منزل راسه و كاتم غيضه بس ما صبر أكثر ووقف ..
راكان : هذا ما يثبت غلاتي هذا يثبت انك تمن علي إللي سويته لي للحين ..
انصدموا من رد راكان بس تركي ما علق أكيد بيعصب إذا نطق بحرف ..
الجد : لا يا ولدي يعني ما نشرفك ؟
راكان : أنتوا على عيني و راسي بس بنتكم تستاهل الأحسن..
الجد يكلم الباقي : أنا بآخذه و بكلمه في مكان ثاني..
وقف الجد و طلع و راكان قام يطالع في تركي برجاء ساعدني ..
تركي طلع مع راكان للجد إللي جلس في الحديقة ..
الجد لتركي : شتسوي معاه ؟،
راكان : أنا قلت له يجي معاي ع شان أقدر اتفاهم معاك ..
الجد : يعني ما تفهمني ؟
تركي : جدي مو معقولة إللي سويته طنشتنا كلنا حتى صاحب الشآن
ما جبت له طاري ..
الجد : لأني عارف ما راح يرفض ..
تركي عقد حواجبه و في قلبه نار تغلي : ليش ما يرفض ؟ ما يحق له يختار
شريك حياته بنفسه ؟
الجد : يحق له بس شفت هيفاء الأنسب له و هذا بيقوي علاقته بالكل و شعور
الإحراج اللي يعيشه الحين يتلاشى ..
تركي : الباقي ما قصروا مو محسسينه بأنه غريب ..
الجد : أنا شاورت البنت و ما عندها مانع ..
تركي بحدة : تشاورها و راكان طيب ؟ جدي مالك اي عذر الحين انت اللي
بتجرحها ..
الجد بإستنكار : ليش تنجرح ؟ راكان يستصغر نفسه و انا أقول له مستحيل
ألقى مثله لها لذا كل شي بيتم إن شاء الله ..
تركي زادت حدة صوته : راكان ما راح يتزوج هيفاء ...
الجد بدا يفقد أعصابه : و أنت شدخلك ؟ حتى صوت راكان ما سمعته ..
تركي توه بيتكلم بس خاف راكان انه يقول شي قوي لذا مسك يده ..
راكان : انا رافض هالزواج ...
الجد طالع في راكان بحدة : عطني سبب مقنع لرفضك ؟
راكان طول الوقت كان يرجف و حالته المرضية حس فيها غمض عيونه
و كان بس يبي يبتعد : ما عندي سبب و الحين أسمح لي ..
الجد هدى و تكلم بحنية : طيب بس فكر عدل و لنا نقاش ثاني ..
مشى راكان و لحقه تركي و لما قربوا من أجنحتهم خارت قوى راكان و سنده تركي ..
تركي بخوف : شفيك حبيبي ؟
راكان بتعب : ما فيني شي بس ابي ارتاح ..
تركي كان بيحمله بس بعد عنه راكان و مسكه بتعب : لا تحملني اقدر امشي ..
راكان : راح تتعب اكثر ..
راكان : كم خطوة ما تضر ..
دخلوا سوا و انسدح راكان على طول ..
تركي و هو يطلع حبوب راكان و عطاه مع كأس ماي و انسدح جنبه و ضمه لصدره ..
راكان دفن راسه في صدر تركي و للحين يرجف : ما أصدق اني شفتهم و ما فصلني عنههم اي شي ، شبهم بابوي كبير ..
تركي ووهو يحرك شعر راكان : آسف يا قلبي على كل شي مريت فيه اليوم..
راكان بصوت خنقته العبرة : مثل ما قال لي مشعل ما راح يتقبلوني بس غصب اددخل حياتهم ، ما ابي أضل ضايع و عندي عايلة ..
تركي ضم راكان اكثر : من قال أنك يا قلبي ضايع أنا لك و وجودي ع شانك ..
راكان رفع راسه و قابل عيون تركي : أنت إللي ادعي ربي يخليه لي ، بس
لازم اخليهم يتقبلوني و ينفذون وصية جدي ..
