جنون عشقك

البارت العشرون

حچيت بكلمات مُتقطعه صعب
تنفهم من الخوف والرجفه
- ش ت ر د و ن م منّي

- نريد نضيفچ  خو مانعوف بنت الباشا  بدون ضيافه مـايصير زحمه وانه أبن اجاويد وهاي تعتبر غلطه بحقي لـوّ شتگولين !؟

سكتت واتملكني الخوف المكان صار هدوء وبَـس صوت شهگاتي المكتومه ينسمع صرت اخلي ايدي على حلگي بخوف أحاول امنع نفسي ..

دفعني للحايط ورفع أديه وأتقرب منّي كُلش ، أنفاسه اختلطت ويه أنفاسي  صرت اوخر بوجهي من قرب وجهه لعبت نفسي منّه ..
مَد ايده على شعري وصار يتلمس خصلات شعري وابتسامه خبيثه مرسومه على شفايفه فجأة جر شعري بقوة
صرخت بفزع وهو يضحك ..

حسيت شعري حيطلع من راسي
استمريت بالصراخ وهو يزيد بقبضته

دفعني قوي وسحب كرسي خلاه
گدامي وگعد عليّ ..

اني جنت ابچي ولازمه رأسي وهو يباوع عليّ ومجهز نفسه حتى يحچي
حضنت رجليه لـ صدري

- جُوري

رفعت رأسي نحوه وباوعت عليّ
بنظرات تتوسله ..

- شنو رأيچ نعقد أتفاق صغير حتّى نحافظ بيّ على سلامتچ وسلامة البابا

كلامه چان مثل الضربه الـ على رأسي صحاني وذكرني بـ أهلي !!
يا تُرى شنو وضعهم أفتقدوا غيابي
لـوّ بعدهم مـا حاسين بيّ
مـامـا إذا عرفت شنو حالها والباقيين
أكيد خايفين عليّ ..
الف فكرة وفكرة برأسي
قطع سلسة أفكاري صوته وهو عاط بيّه بعيطه خلت كُل حواسي تُرتجف

-احچي هندييي كتلج نسوي اتفاق وغصب عنج توافقين

-شنو

- اي صيري عاقله وشنو اهلج تجاوبين ياويلج اذا تبلعين لسانج

هزيت رأسي بخوف وهو رجعت ارتخت ملامحه حرفيا جان الكدامي شخص مختل نفسي تصرفاته حركاته تعابير وجهه مابي شي يدل على أنه صاحي أو عنده ذرة عقل ..

تقرب عليه كلش صار يتنفس بوجهي قربه وترني وخوفني بنفس الوقت
لزم وجهي بقبضته وهمس

- اتفاق بسيط تسوين الاريده ابوج يعيش وابتعد عنه غيره اعتبري ابوج ميت وممكن أفراد عائلتج كلهم بعد ما ادري

- شتريد مني

ابتسم ابتسامه مستفزه حك طرف حاجبه ورجع باوعلي بجمود

- لا تستعجلين على رزقج

سكتت وهو تركني وطلع
گمت من مكاني وضليت افتر بالغرفه مثل المخبله نفسي ضاگ كلش وگلبي ضل يأذيني احتاجيت علاجي
گعدت على طرف السرير وحيلي مهدود ما اعرف شسوي شلون اطلع وياترى اطلع عايشه لو ميته ..

نظراته ماتبشر بالخير شكله يخوف وتصرفاته مو مدروسه ممكن بأي لحظه يضربني ضربة موت

تمددت على السرير ومخليه ايدي على گلبي بسبب الوجع عسى ولعل يخف شويه
غفيت مادري اغمى عليه من الخوف والوجع بس كل الاعرفه فقدت الاحساس ..