جنون عشقك

البارت التاسع عشر

" رَتل "

شفت عزيز گدام عيني الرجفه سرت بكُل انحاء جسمي وخوف ورعب مو طبيعي اول مره بحياتي اخاف لهاي الدرجه من ضربته ابد مَخفت وجنت كُلي قوه لأن مَچان عندي شي اخاف اخسره بس هسه وبعد ماصار عندي آرون وبعد تعلقي بي خفت كُلش من خسارته ..

تقربن عليه البنات 

جُوري:- شبيج رَتل تعرفي

- خابري عاصم بسرعه فدوه

اتصلت بي رأساً وعزيز باقي بمكانه ومبتسم ابتسامه مستفزه مادري ليش اجه وعلى شنو ناوي

-خل نرجع ندخل علما يجون عفيه

منة :- تعاي امشي جُوري

رجعنه دخلنه للكليه ونظرات استفهام على وجههن

منة :- هسه غير تحجي هذا منو

- وين عاصم راح يجي

منة :- شتسوين بعاصم شعندج ويا

-معليج انتِ لا تتدخلين جُوري عفيه راح يجي

جُوري:- اي جاي هو هم مثلج انخبص شكو شصاير

- ماكدر احجي 

سكتن عني وضلينا منتظرين اجه عاصم ملهوف وتوجه عليه

عاصم :- وينه الكلب

-مادري ماشفته جان واگف برا

عاصم :- الحيوان عود حليتها ويا بس الظاهر ما اكتفى

- شصار احجيلي

منة :- انتو احجولنا شكوو لاتخلينه اطرش بالزفه

عاصم :- مايخصج بيني وبينها

منة :- والله حلو مايخصنه وبينك وبينها شكو بينكم من يمتى ارتبطتوا

- لج انتِ شگد متستحين شنو ارتبطنا يمتى تفهمين اني متزوجه متزوجهههه ومستحيل اخون زوجي وي اي شخص

- ضلي بهاي سوالفج كلنه ندري بزوجج ميت بس انتِ عايشه الدور زايد ومسويه روحج مصدومه وممصدگه بس صدگي يجي يوم وتتحاسبين وتنطردين من بيتنا مثل الچلب

عاصم :- بلعي لسانج ويلا كدامي للسياره

رحنه ورا رجعنه للبيت اول مدخلت أخذت ابني من مرت ابوية وصعدت لغرفتي فتحت تلفوني ودزيت رساله لخالتي سماح جان مضمونها عزيز شيريد مني بعد

مطولت دقايق وردت عليه وجان مبين ردها كلش جاف وخالي من اي مشاعر

سماح :- مايريد منج شي ، جبتي لو بعدج

- اي بس اليوم شفته كدام الكليه شيسويي

سماح :- عنده شغل ببغداد ويجوز مر بالصدفه

-لا تخبليني شعنده شغل ببغداد وشكو يمر عليه

سماح :- اهووو لاتدوخيني يطبج مرض شعليه بيج اني