جنون عشقك

البارت الثاني والاربعون

فكادَ صوته أن يغلبَ قلبي
فنظرتُ إلى عينيه فغلِبتُ كُلّي.
_______________

ضليت صافنه بوجهه وگلبي يدگ سريع بسبب هالكلمتين الي گالهم
صحه كل خليه بداخلي وخلاني اشتاقله اكثر واكثر ماگدراقاوم گدامه لازم انفضح

رجع حجه :- اياني واياج اشوفج واكفه لو تحجين وي هذا الگ*** ترا تصير مو خوش وعلي

- ميخصك اواب احنه تطلگنه

اواب :- لا تختبرين صبري جُوري لا تعبيني والي يرحم والديج

- لا تعبني ولا اتعبك انت بطريقك واني بطريقي وهايهيه مبينه شي

اواب :- والي ببطنج

- انت ماردتها اصلا اعتبرني نزلتها وخلص

اواب :- ليش بهالسهوله

- كلشي سهل عندك وبالاخص كسر الگلوب

اواب :- رحم الله والديج يلا اودعناكم

باوع على خواتي

اواب :- علموها هاي عقلها طگه ونص

منة :- شبيها عيني ونعلمها بعدين حضرتك شتسوي هنا مكفاك الي سويته بينه وبيها

اواب :- بويه مو بنات بيكيسيات اروح اشرفلي

عافنه وراح رَتل واگفه تضحك

منة :- شبيج انتِ تتمضحكين وانتِ الثانيه صافنه مثل السطل ورا بابا هذا حيوان لتضعفين گدامه لو مو حلو وشخصيه ويشگ شگ لتضعفين ترا اخلاقه زباله مو كلشي الشكل

- ما اضعف

رَتل:- شگلج من شاورج

- گلي اثاري روحي يمج وانا باقي بلاية روح

منة :- عزااا شلون سيطرتي يمههه

رَتل:- رومانسي

- يجرح ويداوي

منة :- داواج

- لا

رَتل:- ميفيدج

منة :- والله زيد اشرف منه

ضليت ساكته ما اعرف شنو احجب اجه خربطني بهاي الكلمات وراح وخلاني حايرة

منة :- ديلا خل نروح لا نتأخر وانت مو عندج موعد

- يگول ميصير اطلع لان عدة الا للضروره

منة :- اي هاي ضرورة لازم تسوين فلر ضروري

رَتل:- ههههه بس بلغي وامشينه

- ماريد ميخصه

منة :- اهوو شو دمشينه طز بي منو هو ويتحكم بيج امشي امشي واطيح حظج اذا كلتيله

طلعنه واني اصلا معاجبني اكله لو احجي ويا ماريده يجي يخربط افكاري ويختفي وهم مستحيل اسامحه لو مدري شيصير او مو گلبي