جنون عشقك

البارت الرابع عشر

على صوت عزيز كُل احنه طلعنا نركض مفزوعين نتسائل عن الصاير ..
أول مـا دخلت لزمني عزيز من زندي :- اليوم هـاي بنت الزنا الساقطه مـا تبقى بالبيت بنت الفگر بدخلتچ طردتي البركه والرحمه من بيتي

دفعته حيل وعطت :- ماكو وجه فگر غيرك يا كلب
ولله هسه يجي أشتر أخلي يگلب البيت عليّك يا سافل .. هجم عليّه يريد يضربني لزموه أخوته وأني في حالة ذهول وگلبي يگُلي أشتر واگع بـ مصيبة
عزيز گام يلطم على رأسه ويصيح هـاي بت الشوارع تغلط عليّه ببيتي اليوم أهجولها بنت الكو^^^

دفعه أحمد وچتفه وگام يصيح عليّه بحرگة دم :- عزيز كافي لخاطر الحُسين يعني فوگ مُصيبتنا أنتَ !! يعني فوگ مـا رجلها مشمور بالتوقيف ومغلوب على أمره وأنتَ بكُل عين صلفه واگف تطعن بمرته إذا شافك يقبلهااا !!
ولك خلي أخوك بين عيونك بـ شنو قصر وياك وبـ شنو مـا وگفلك ولك حتّى مُصيبته هـاي منّك ومن تربيتك السگط

من گال أحمد كلامه حسيت الدُنيا أفترت بيّه عاطت خالتي :- أحمد شبييي أشتر شكووو شصاير فهمونا

مسح أحمد على لحيته راد يحچي قاطعه عزيز
وگال :- ولكم كتل واحد والشرطه لزمته الادلة كلها ضده يا بويه أنهجم بيتي كسرت ظهري ياخويه

مـا نحس إلا أحمد ضربه بوكس بنص وجهه

- لك أنتَ شلون بيك تظل عاررررر يعني تچذب
عينك عينك أشتر أشرف منك يا سگط
ليش مـا تگول أنه سگط وتربيتي مثلي وأبني
ورط عمه بمُصيبه

عزيز صار مثل الجريذي جوّه أحمد ودمه يتطافر سحبوه أخوته منه طلعت من المكان كُله
دخلت الغرفتي وسديت الباب أحس روحي
مخنوگه صرت أرجف وأبچي
ورا شويه الفوضى البرا هدأت أندگ باب غرفتي
أخذت نفس بقلة صبر ومسحت دموعي
فتحت الباب چان أحمد ودم عزيز مغرگ ملابسه

مسح على وجهه وگال :- رَتل عندچ رقم فؤاد

هزيت رأسي بالموافقه رحت جبت موبايل أشتر لأن من طلع جان ناسي تلفونه بالبيت حتى ردت الحكه انطي بس طلع بسرعه

سجل الرقم بموبايله وگال :- وعد مني وهـاي الشوارب مو عليّه إذا مو باچر أشتر يمچ بَـس لا تبچين أنتِ عزيزة اخونـه ..

كلامه بعث نوع من الطمأنينة بداخلي .. راح واني رجعت أنعزلت ويه نفسي
يومين مرت لا أكل ولا شرب منعزله على نفسي بالغرفه وحتّى محد يدخل
اسأل عن أشتر والقضيه محد ينطيني جواب
كُل لـي عرفنا ضُرغام متورط بقضية قتل وأشتر
شايل التُهمه عنه ..

وبيوم چنت گاعده بغرفتي أندگ الباب چان أحمد أنطاني الموبايل وگال :- هذا أشتر يريد يحچي وياچ

بسرعه أخذته منّه بلهفه

أشتر :- ها بارونه يكولون تبچين بغيابي يابه وعلي مـا أستاهل دموعچ

من سمعت صوته فزّ گلبي رأسًا بچيت
:- انت وينك يمتى تجي حموت والله

أشتر:- صبر رَتل وعيونچ اطلع ماعليّه شيء