جنون عشقك

البارت الثالث والاربعون

رجعت للصاله وجسمي كله يرجف

عاصم :- شبيج جُوري

- عفيه اخذني للمستشفى الله يخليك

عاصم :- شكوو شبيجج

حُور:- شبيج ماما حتجيبين

- اواب حيموتتت فدوه اخذوني يمههه گلبيي

عاصم :- يطبههه حريشييي شبيج تتراجفين عسااا

- لا عاصم لا فدوه اخذني والله اموت وراه والله

عاصم :- وليي ماترحين والله خليه يفطس

رَتل:- عاصم على بختك شوف وضعها

فرزدق :- تعالي عمي اني اخذج معليج بي هذا الخبل

لبست ملابسي وطلعت ويا واجت ويانه ماما گالت ليصير بيج شي

وصلنه للمستشفى وماضل دعاء ماگلته ميته من الخوف عليه

وصلنه وسألنه عليه گالو بالعنايه المشدده دلونه عليها ورحنه لگيت اخته گاعده تبجي وبصفها ولد شاب بس شافتني اجت عليه

رند :- همزين اجيتي بلكي تقنعي

- شبي رند شصار ويا

عمو سلم على الولد الواگف

رند :- صاير اشتباكات ماعرف شنو ومتصاوب 4 طلقات لج 444 اجه يموت

- شلونه هسه

رند :- مو زين اكو شظايا اجت براسه الدكتور يگول اذا تبقى يموت واذا يشيلها اكو احتمال ينشل لان مكانها حساس كلش

- عزاااا

رند :- ميرضى يشيلها ولج اخوي يريد يموت ابويه حيروح من ايدي

گعدت بصفها ابجي واحس گلبي حيطلع من مكانه

- اريد اشوفه

رند :- الدكتور يمه خل يطلع

- اني احاجي والله يشيلها غضب عنه

رند :- ابوس ايدج قنعي

ضلينه منتظرين الدكتور يطلع من يمه شويه وطلع هو والممرضه توسلته علمود ادخل يمه كال قنعوه على العمليه التأخير مو بصالحنه

دخلت يمه جان مغمض عيونه ويون
صدره ملفوف كله وايده الايد الثانيه مشكل بيها مغدي وجهه ضعفان ويون من الوجع
رحت گعدت يمه ودموعي مسكتت
لزمت ايده وهو راسا فتحت عيونه والتفت عليه بس شافني ابتسم

اواب :- اجت وردتي اول مره احس الله يحبني من جابج قبل لا اموت

- لتحجي هيج الله يخليك محيصيرلك شي هسه تسوي العمليه وترجع مثل قبل واحسن

اواب :- لا تحاولين جُوريه الله انطاني فرصه اموت ليش اضيعها

- ليش تموت ليششش متفكر بيه انت والقران انتهي وراك اتدمر