جنون عشقك

البارت التاسع

نايمه على سريري وعيوني تتأمل السقف
حسيت على صوت برا الغرفه .. گلت بصوت
يرجف أجه عزيز أجه راح يكتلني أني وابني
غطيت نفسي بالبطانيه بخوف وصوتهم
يقرب منّي أكثر
سمعت صوت باب الغرفه اِنْضَرَبَ جسمي صار يتراجف بخوف صرتت أردد آيات حافظتهن
لحظات خوف وفزع وأصوات غريبه برا
فجأة أنرفع الغطا من على وجهي
صار گبالي وجهه القذر صرت أتوسله بنظراتي
لكِن مـا چان بگلبه رحمه خنگني بـ أثنين
أيديه صرت ارافس جوا ..

فزّيت من نومي اللهث مرعوبه والعرگ مبلل جسمي ووجهي وشفافي ترجف وگوه آجر النفس
حضنت نفسي بـ أثنين أيديه وصرت أردد
لا تخافين لا تخافين مُجرد كابوس عادي عدينا الاصعب منّه ..

أنفتح باب غرفتي ودخل أبويه وبـ أيده صينيه صغيره من شافني أبتسم وگال :- صح النوم باباتي
تقرب منّي خله الصينيه على ميز وگعد على
كرسي مُقابيلي ..

سويتلچ شلون چاي مهيل يرّد الروح أشربي حتّى تصححين ونروح لـ دكتورتچ مو اليوم عندچ موعد

رَتل :- مـا أريد أروح مـا لي خلگ اليوم

محمد :- تؤ تؤ مو بكيف مزاجچ احنـه هـاي
صحتج مـا يصير نماطل بيّها
وحتّى من نرجع نفتر بشوارع بغداد نغيرلچ جو صارلچ فترة حابسه نفسچ بالبيت

هزيت رأسي بالقبول أخذت كوب الچاي
وصرت احتسي بهدوء ..

كسر حاجز الصمت وگال :- بابا رَتل

جاوبته بجفاء :- نعم

محمد :- زوجچ شنو چان شغله

غصيت بالچاي أختنگت عيوني دمعت
صار يضرب على ظهري ويگول بسم الله
شبيچ بابا !!

گام من مكانه انطاني گلاص مي
شربته دفعه وحده يلا گدرت أخذ نفس
أخذت كلنكسه مسحت عيوني من الدمع

محمد :- شبيچ خفتي ضامه عليّه شيء ؟

بابا رَتل أني أبوچ آمنچ وآمانچ لا تخافين من شيء مهما كان لـي صار گوليلياه بالحرف الواحد
ولـي تريدي يجرالج لا تتوقعين منّي أغصبچ على شيء مــا تريدي ..

رَتل :- شنو مُناسَبة هذا الكلام ؟

محمد :- ماكو مُناسَبة ، تگدرين تگولين تذكير

رَتل :- اهـا جيد .. عمومًا اني رايحه أبدل حتّى نروح

هز رأسه بالقبول واني أخذت ملابسي وطلعت للحمام لبست بنطلون كابوي لونـه أسود وقميص أبيض فضفاض يغطي منطقة الورك لبست شال
بـ لون أسود أيضًا ..