جنون عشقك

البارت الخامس

أركض بالمستشفى مفزوعه الخوف هَد حيلي هَدّ كُلشي ولا عاصم أموت وانتهي ورا هذا آخر شيء بقى الــي من عائلتي لأن أبوي بَعد لـي سوا مُستحيل أگدر اعتبره جزء من العائلة لأن هدمها بـ أيده وهدمني وياها ..

حسيت بشخص حاوطني بـ أيديه لمني لـ حضنه من هذا الشُتات خليت رأسي على صدره وبچيت

- أتطمني حُوريه ولله أخوچ مــا بيّ شيء هسه نروحلـه و تشوفي بـ عينچ ، حُوريه دموعچ هـاي حرگت گلبي حرگ كافي يا بَعد رُوحِي كافي ..

رفعت رأسي ومسحت دموعي لزمته من أيده أجر بيّ

- يلا أخذني إلـه بَعد مـا أتحمل أكثر

هز رأسه بالقبول وأخذني من أيدي
شفت أبوي هناك وقميصه ملطخ بـ دم أخوي ومدنگ رأسه بـ حزن مــا أهتميتله گلبي ملچوم منّه
دخلت شفت عاصم نايم على السديه ورأسه ملفوف
بـ لفاف ونايم مـا يدري بالدُنيا لزمت أيده الناعمه
وصرت أمسد بيُها ..

- عاصم حَبيبي زعلان منّي
أدري هملتك وعفتك أدري قصرتك وياك
أعذرني يا بَعد رُوح أختك .. طفرت دمعه
تايهه من عيني غصب

حسيت على أيد طبطبت على كتفي
چان يحاول يخفف عني حزني وخوفي
لزمت كف أيده وشبكت أصابعي بـ أصابعه ..

بيومها بقينـا بالمستشفى علمود وضع عاصم الصحي أقترحت على محمد يطرح على أبوي فكرة عاصم يبقى يمي لـ بين مـا يتحسن وهو رحب بالفكرة وعرضها على أبوي لـي مـا تردد بتركه يمي لأن حسيته نادم بسبب لـي سواه لـ عاصم
محمد أنطه خبر لأهله وأبدًا مـا عارضواوبالعكس فرحوا بيّ جهزوله غرفه قريبه على غرفتي حتّى يظل قريب على عيني
من رجعنه سألوني شنو سبب حالته أستحيت
أگُللهم أبوي أُضطريت أكذب وأگُللهم وگع

بَعدد أيام معدوده تحسن وضع عاصم لـي چان فرحان بوجوده هنا وصار صديق الكُل خصوصًا محمد صار قريب منّه كأنهُ أخو الصغير

علاقتي بـ محمد تحسنت وصار نوعًا مـا
يگدر يسيطر على نفسه هل فترة حسيت نفسي أنتعشت ورجعت للحياة ، لكن صدمني خبر أبوي من سافر وباع البيت بدون مـا ينطينا خبر صرت أشيل رُوحِي وارگعها من القهر

بَعد شهور قليله أتوفت والدة محمد لـي وفاتها هدَم البيت هَدم تبعها أبو لـي مـا تحمل فراق حبيبته وزوجته ..

رحمه چانت وياي دائمًا حتّى بَعد مـا تركت وظيفتي صارت دائمًا تجيني وتساندني بـ الأوقات الصعبه
صارت قريبه لكُل العائله والكُل يحبها ويرغب وجودها

محمد بَعد وفاة أهله رجع نفس أول وأكثر أحسه يطلع غضبه المكتوم بيّه حملت بـ حملي الأول
ومن يومها رفضت رفض قاطع يتقربلي
لأن أدري بيّ مـا يگدر يسيطر على نفسه وأنفعالاته

وحامي صعب جدًا صرت مـا أطيق نفسي ولا أطيق أحد محمد نفرت منّه بشكل كامل بحيث إذا دخل للغرفه أطلع منها مـا أتحمل وجوده
هو تحسس منّي وزعل و مـافهم الفترة الصعبه
لـي دَ أمر بيّها  حسيت حُبنا بدأ يتلاشى
ورجعنا غُرباء ..