جنون عشقك

البارت الرابع والاربعون

- شكوو عاصم شصايرر

عاصم :- يا مستشفى يلا جاي جااي

- احجيي شكو

عاصم :- ماكو شي بس واحد صاحبي مسوي حادث رايح اشوفه

- الله عليك يعني مو بابا

عاصم :- لا يابه شجاب محمد بالنص

- الحمدلله

عاصم :- يلا يابه راح اروح اشوف الولد خطيه وانتِ نامي لا تنتظريني

- ماشي الله يگومه بالسلامه

طلع واني بعدها الهبطه بيه من شفت وجهه راسا اجه ببالي بابا رغم كلشي سوا بس احساس غريب بداخلي من ينذكر اسمه مواقفه وياي جانت حلوه عوضني بفتره بسيطه عن سنوات طويله بدونه صح مجان عنده تبرير ولا اي شي بس ما اذاني واني يمه وعائلته صارت احسن عائلة بالنسبه الي ..

ضليت انتظره لليل ما اجه غفيت واني انتظره فزيت الصبح على صوت ارون يبجي گمت بسرعه حتى اسكته باوعت بالفراش ملگيته
شلت ارون اسكت بي وهو يصيح تتل ضليت اضحك عليه عود يصيح رتل

- ها يا روح رَتل شبيك تبجي

ضل يشهك بالزايد سويتله ممه خليتها بحلگه ماقبل وبس يبجي اجه يوگف گلبه من البجي ويصيح باسمي

اخذته ونزلت ركض لخاله راسا اخذته مني

حُور:- يمه اسم الله الرحمن هذا حلمان بيج يمكن

- شسويله خاله حيموت

حُور:- اسم الله جيبيلي القران خل اسده بوجهه

جُوري:- شكو شبي

- مادري

ضليت ادور علما لگيته وانطيته الها نيمته وفتحت القران وسدته بوجهه اكثر من مره يلا هدأ شويه رجعت شلته وامسح بدموعه

حُور:- هسه انتِ شبيج تبجين

- خفت عليه

جُوري:- هاي على كلشي تبجي

حُور:- ههههه فدوه

- خاله اريد اسويله عيد ميلاد صار عمره سنه ومسوينه

حُور:- خل يطلع ابوجن هاليومين ونسوي سوا وهم عيب من اختج خايفه على رجلها

- ماشي بكيفج

جُوري:- سوو شعليكم بيه

حُور :- اسبوع الجاي نسويله هذا العزيز لازم عيد ميلاده يصير رنان

- هههههه فدوة لعمرج

جُوري:- اي طبعا اول حفيد الكم قابل مثل بنتي كُخه متعجبكم

حُور:- اهوو بدت الغيره

- تغار مني ماما معليج بيها

صفنه كلنه شلون طلعت مني هاي الكلمه فعلا جانت عفويه يمكن لان مارست عليه الامومه وعلى ابني صرت احسها قريبه مني لهالدرجه