جنون عشقك

البارت السابع والثلاثون

‏حصيلتي اللغوية
‏ضئيلة جدًا
‏أمام هذا الشعور الذي
‏أشعر بهِ نحوك.

- عاصم

ألم أخبركِ أن قلبكِ مدفأة في ظلّ هذا الشتاء!؟

- أواب

أن كُنتَ تراني هامِشاً فَغَيُركَ يراني حِلماً

- منة

____________________

' جُوري '

مرات الانسان يختار يكون غبي ويصدگ الطرف المقابل حتى لو جان حاس اكو شي غلط او متأكد انو اكو كذب بالموضوع بس لان هو يحب هذا الشخص ويريد يصدگه ويقنع عقله انو ماكو شي خطأ
الاحساس الي يجي للانسان بعدم الراحه ميصير نتخطاه ونتجاوزه لازم نكتشف سبب هذا الاحساس ..

حاليا اني وصلت لهاي المرحله رغم عدم راحتي ورغم الاحساس الي بداخلي اختاريت اصدگ أواب لان بدون قصد مني حبيته وماريد نفترق
رغم كلامه الي مليان علامات استفهام صدگت وما سألت اكثر اكتفيت بالي حجاه ومتأمله ميطلع شي ورا كلامه هذا ..

گعدت الصبح شفته نايم ومبين عليه متوجع بسته بخده وگمت غسلت وجهي ونزلت جوا سويت ريوگ وحظرت علاجه
وگفت گدام المرايا انتبهت لنفسي شگد متغيره وشگد هامله نفسي
شعري طولان وجهي شاحب حواجبي مخربطه
ضعفانه وبس بطن صغيره عندي كلش انقهرت على نفسي هاي شصاير بيه
طول عمري اهتم بنفسي وهسه هاملتها لابعد درجه
فزيت من حاجاني

اواب :- وين صافن حبيبي

- ليش نزلت جنت داصعدلك الريوگ

اواب :- مابيه شي هو جرح

- يلا تعال اكل علمود تاخذ علاجك

اواب :- شبيج مهمومه

- بعدني متأثرة بالي صار البارحة

اواب :- ارتاحي

- ان شاء الله

رحنه للمطبخ وگعدنه ناكل

- اكلك

اواب :- كولي

- اريد اروح للصالون اليوم

اواب:- ليش

- نفسيتي تعبانه اربد اروح اغير شويه

اواب :- بكيفج

- اخذ سيارتك واروح

اواب :- اي بس يعني ينطيج گلبج تعوفيني مريض وترحين

- والله مختنگة ما اگدر اطيق شكلي بعد

اواب :- لا اتشاقه وياج روحي واخذي راحتج

- شعجب وافقت

اواب :- ترديني ارفض

- لا بس مو من عوايدك توافق على شي يخصني

اواب :- منا وجاي هواي تفييرات راح تنصدمين

- ان شاء الله تغييرات للاحسن