جنون عشقك

البارت الثلاثون

أواب :- ابوج يا جُوري مو نظيف ابد مو نظيف لايجذب عليج ويكلج الزين ياكلو والنزيه محد يريده ترا ابوج من أقذر خلق الله

- لا تحجي هيج على بابا احسنلك شتعرف عنه انت وتحجي

أواب:- كلشي اعرف عنه

- احجيلي شتعرف لا تخبلني

أواب:- ابوج اغتصب اختي

- شلون شلون مستحيل

أواب :- مو مستحيل جُوري مو مستحيللل ابوج نصب عليها وهي جاهله صدكت بي ومشت ورا وهي مغمضه وهو استدرجها واغتصبها جُوري تعرفين شنو يعني اغتصبها

- ههه دتسألني مو انت عيشتني نفسها بالضبط وحملتني الذنب وانتقمت مني مو منه

أواب:- جان لازم يتأذه بعزيز كلبه وماعنده اعز منج

- حرام عليكم والله دمرتوني اثنينكم مخليني لعبه بينكم تصفون حساباتكم لك شكد شفت حقراء ونذلين بس مثلك ماشفت

أواب:- جُوري فهمينييييي فهميييي من تجيني اختي منتهيه شنو اسوييي شلون انتقم

- اختك هي سلمت نفسها بس اني شنو سويت كلي شسويييت حتى هيج يصير بيه ليش هيج دمرتني ودمرت حياتي حرمتني من كلشي حلو شمسويتلك تنتقم من بابا بيه ليش ليش ماتأذيه هو ليش تأذيني الي

أواب:- ماجان اكو ببالي شي اسوي بس صدكيني هسه كلشي تغير لو يرجع الزمن شويه مستحيل اعيد الصار ومستحيل ااذي ولا شعره منج

- ميفيد الكلام بعد لو تحجي للصبح متكدر تغير الحقائق

أواب:- الصوج كله صوج ابوج

- وصوجك انت اذيت روح بريئة مالها اي علاقه بمشاكلكم تخيل شكد الله راح يأذيك وانت كاسر نفسي وروحي وبرائتي وشرفي سنين اني مرتبطه بزيد وماتجرأ يلمس أيدي جنت صاينه نفسي ومحد يكدر يمسني وانت اخترقت كل قوانيني وقوانين الطبيعه هم

أواب:- لا تحجين بهذاك كداميييي جم مره اكلجججج انت متزوجه لا تحجين بييي

- ميخصككك احجي الي أريده ماتكدر تمنعني من الحجي والتفكير

أواب:- امنعج من كلشي جوري لاتخليني اراويج وجهي الثاني

-كل وجوهك شفتهن ماعندك شي مضموم بعد

أواب:- هواي عندي بعد مو عبالك تعرفيني

تقربت عليه

- اعرف نقطة ضعفك واكثر استغلها ضدك بس اني مو حقيره مثلك

لزم أيدي قوي وخلاها ورا ظهري حاولت اكتم المي واضل ساكته

أواب:- اخر مره تتطاولين عليه بالكلام كلنالج غلطنه وراح اصحح الغلط كافي تلحين

-معتبر الشي السويته سهل مو

أواب:- مو سهل بس اختي عاشت نفس الوجع