جنون عشقك

البارت الواحد والاربعون

' رَتل '
مرت الايام وعاصم غير غرفته كلها سواها ورقت جدران جديد واشترى غرفه جديده على ذوقي وسرير صغير لارون كلش صارت حلوه واني بلشت انقل اغراضي وهو فرحان وطاير بيه وكل شويه يكلي يعني راح اعرس ومضل شي واني كالعاده اصده لان والله مجنت اكدر احس شي صعب عليه ممتقبلته

بيوم متمدده وبيدي ملزمه اراجع الماده اجه تمدد بصفي

عاصم :- اهووو هم دراسه

- اي غير حتجي الامتحانات واني كلشي مقاريه تريد ارسب

عاصم :- لا بس مللتيني يمتى ما اجي تدرسين

- اصبرلي فدوه

عاصم :- لحدمن اصبر

- انت مو گتلي متتقرب حدما اني اجيك واكلك

عاصم :- على اساس راح تجين

- اجي

عاصم :- نشوفج عود

- هههه

عاصم :- تدرين شي

- شنو

عاصم :- كلش كلامي شقه اخذي وقتج اني بس اريد امهدلج انو هذا شي لازم يصير بينه بس يمتى هذا شي انت تحددي

- شگد متفهم انت

عاصم :- بس وياج

- شوف اني اريد اسلمك گلبي وعقلي قبل جسمي ما اريد اكون وياك وتفكيري بغير مكان اريد اكون وياك عن قناعه

عاصم :- هيج وتضلين تحبيني

- شتسوي اذا حبيتك بالله

عاصم :- الا اسبوع ماتطلعين من الغرفه

- ليش

عاصم :- بعدين من تحبيني

- هههههه هسه خليني ادرس

عاصم :- ادرسي عيني

ضليت اقرا وهو خلصها يتحارش ساعه يبوسني ساعه يگرصني بعدين حول على ارون يلعب ويا ويبوس بي سطروني سطر هذا فاحط من الضحك وعاصم يضحك ويا مكيف

- كافي بربكم انت متقصد لو شنو تريدني ارسب

عاصم :- لا گلبي اقري براحتج

- راح اروح يم البنات

عاصم :- وين وين انجبي وگعدي

- اوووف اوووف شنو انت

عاصم :- انجبي رَتل لا تكولين اوف اكرهها

- خوش

هدأو شويه واني كملت الملزمه وگمت اسوي فقرة العنايه واطبق نصايح خاله حُور والبنات
اول شي بلعت فيتامينات علمود شعري يطول ويرجع بعدين خليت مرطب لوجهي وخليت لشفايفي مرطب بي لون ولوشن لاديه ورجليه ورجعت تمددت

عاصم :- بده يرجع وجهك الحلو وخدودج

- بلكي ما احب الضعف اريد اصير سمينه