جنون عشقك

البارت الثاني والثلاثون

شلونكم حبايبي
لا تنسون التصويت ☆

__________________
- متأكد

عاصم :- نروح للدكتور ونفتهم لا تخافين كلشي اله حل

- عاصم ابني شلون بي

عاصم :- رَتل لا تحجين هيج ابوس ايدج لكلشي اكو علاج بعدين يجوز غلط بالتحليل شمدرينه لا تتشائمين

ضليت ابجي متحملت قوة الخبر هو حظني كلش قوي

عاصم:- كافي رتل وعيونج اعالجج بأحسن الدول واحسن المستشفيات والله مايصيرلج شي

- عاصم بس أأمنك على ابني اذا صارلي اي شي الله يخليك لا تخلي يعيش مثلما اني عشت ما أريده يتعذب مثلي

عاصم :- شنو هذا الحجي ابنج نربي سوا اني وياج ونعيشه احسن عيشه وندخله احسن مدارس وانت موجوده على راسه وهاي فتره وتعدي

وخرت عنه وهو لزم وجهي بين أديه مسح دموعي وباسني براسي ضليت اباوع بعيونه جانت تلمع بالدموع
كلش انقهرت
أخذت نفس قوي ومسحت دموعي

- خل نروح للدكتور

عاصم:- كلي العصر

- ماشي

عاصم:- تعالي نكعد بالحديقه شمي هوى نظيف

- تمام

اخذني من أيدي ونزلنه جوا
كعدت بالمرجوحه وصفنت على السما
جان الجو بارد كلش لأن شته بس نار كلبي حركتني حرك جانت كفيلة بتدفأتي

كعد عاصم بصفي وسحبني لحظنه ضل لازم أيدي ويحرك بيها على كيف

عاصم :- شتحسين

- مادري مصدومه على تايهه خايفه ما أكدر اوصف احساسي صعب

عاصم :- مهما كان احساسج ف اني داحس مثله ويجوز أكثر فكرة فقدانج تخوف

- خايفه كلش والله ماريد اتعذب بعلاج ماريد اخسر صحتي وعافيتي وشعري

عاصم:- بنظرج منو الاهم شعرج لو حياتج يجوز تخسرين شعرج فتره وتربحين حياتج فكري بغير طرق وغير منظور وراح ترتاحين

- صحيح اووف يارب

عاصم :- عندج ايمان برب العالمين مو

- اكيد

عاصم :- هايهيه رب العالمين ميعوفنا لا تخافين

- ونعم بالله 

عاصم:- هسه كافي بجي صدك جذب اول طيحتها الدموع سبحتيني

- هههه مقهوره

عاصم :- سوده عليه ولج من عافيتي على عافيتي

- اسم الله عليك الله يحفظك لشبابك

عاصم :- على اساس انت عجوز

- اني عجزت من القهر

عاصم :- راح ترجعين توردين وتتفتحين كلشي يتغير ومايبقى على حاله