جنون عشقك

البارت السادس والعشرون

"رَتل "

غيرت ملابسي وطلعت ويا حسيت روحي كلش خفيفه من الفرحه طلعنه للسياره وجان بابا هم جاي ويانه صعدنا وانطلق بينه عاصم

محمد:- ها بابا رَتل شلونج

رَتل:- اذا صدك راح يرجعلي ابني هسه ف اني كلش كلش زينه

عاصم :- يابه وعيونج راح يرجع اليوم انا وعدتج وعد ووفيت بي

رَتل:- بس كلي شلون

عاصم :- اختصرت الف طريق بالمحكمه ومشيت وياهم بأخلاقهم

رَتل:- شلون يعني

عاصم :- فلوس تفاوض وكم شغله خلتهم يتنازلون عن الدعوه

رَتل:- اففف الحمدلله والشكر الك يارب

محمد :- الحمدلله على كل حال بس يا بابا هاي بس البدايه بعد مايرجع ابنج الي تصرفات ثانيه وياج

رَتل:- شلون يعني تصرفات شنو

محمد :- خليها بوكتها

ضليت ساكته واباوع على الطريق والفرحه مسايعتني والابتسامه شاكه حلكي شك

وصلنه للمحكمة وجانو واكفين خالتي وعزيز واحمد
آرون بيد خالتي وويا جنطه صغيرة مال أطفال

يس شفته كلبي صار يرفرف من الفرحه ودموعي تنزل بدون احساس مني يمكن من فرط الاشتياق

عاصم :- ضلي بالسياره اجيبه واجيج

هزيت برأسي ونزل عاصم وويا بابا ضلو يحجون شويه بعدين اخذ آرون والجنطه وتوجه للسياره وبابا دخل وياهم للمحكمة

فتح الباب ودخل كعد يمي وخلاه بحظني هنا اني انهاريت حرفيا بجيت بجي بحياتي مباجيته حظنته لصدري وشميت ريحته وهو راسا بجه ضليت أسكت بي واباوعله وهو مبرطم مثل الحس عليه أو مشتاقلي وديشكيلي بدموعه 
متت قهر وحقدت عليهم قاطات شنو من كلب قاسي عدهم وشنو من حقاره الخلتهم يحرمون طفل صغير من أمه بس علمود انتقامهم

عاصم :- ها ام آرون كدها لو مو كدها

- سويت شي لو ادفع عمري كله ما اوفيك حقك

عاصم :- لا يمعوده مو لهالدرجه ترا ابنج معتبره ابني ومن اخذو تأذيت وانقهرت وسويت المستحيل حتى ارجعه لا تحسين نفسج مديونه الي لأن اني زوجج وهذا واجبي

سكتت معرفت شنو اجاوبه
ضليت أسكت بأرون لحدما هدأ وضلينه بالسياره منتظرين بابا يجي

- شديسوي بابا

عاصم :- راح وياهم حتى يسقطون الدعوه ويتنازلون

- تمام

عاصم :- ابوج ناوي على شي ترا

- شنو

عاصم :- لازم تتعالجين

- شبيه اني واتعالج

عاصم :- مرض نفسي