جنون عشقك

البارت الخامس والثلاثون

سيطرت على نفسي وطلعت على كيفي دخلت للغرفه وگلبي ما احس بي من السرعه باوعت ولگيته كاعد عادي مخلي رجل على رجل ولازم السلاح بيده ويباوع عليه
من شفته مسيطرت على نفسي گعدت بالگاع وانهاريت بالبجي گلبي ضل يأذيني بسبب عملته وياي

حجيت بگلب محروك
- انت احقر انسان شفته بحياتي والله العظيم انت حقيرررر

اجه يمي وگعد بالگاع بصفي
اواب :- مالزمني غير عيونج والله

- الله ياخذك

حظني قوي وضل يبجي بحظني بصوت عالي وشهكاته طالعه من نص گلبه
حظنته اقوى وضليت امسح على ظهره
- اسفه

اواب :- روحي جُوري راح اعتقج ارتاحي مني وخلصي ورجعي لحياتج وشتردين تسوين سوي بس خلي ببالج انتِ بنفسي وراح اضل طول عمري اتمناج

صفنت وسكتت ثواني وكأنو الحياة وگفت شوية
خلاني گدام خيار جنت اتمناه ولو گايلي هيج قبل شهر واحد بس جان هسه اني عند اهلي بس هسه كلش صعب كلش

- ما اعوفك اني وياك لحد اخر نفس لحدما تتخلص من اخر ذكرى سيئة بحياتك لحدما تترك كلشي حرام وترجع لرب العالمين بس فدوة لا تعيد السويته والقرآن گلبي حيوگف جسمي كله يرجف بسببك

اواب :- راح تتعبين راح تجرحين هواي بالكلام راح تدوسين عليه واضا ساكت لان ما اريد ااذيج بهاي العلاقه راح نتعب اثنينه

- نتعب سوا ونقوى سوا احنه گدها مو تجاوزنه الاصعب

دفن وجهه برگبتي وطبع بوسه طويله
گام وشالني ويا ورجعني على السرير
همس : محتاجج

- كُلي الك

غصنه بعالمنا وهو جان كلش هادئ وياي ومراعي وضعي وظروفي رغم ميصير يتقرب مني بس عند الحقوق تعمه عيونهم

ابتعد عني وورث جگارة كالعاده
ضل يتامل ملامحي وايدة تتجول بين وجهي وشعري

- شنو گلت لنفسك من سويت بيه هيج

اواب :- جان بنفسي اشوف ردة فعلج

- حرام عليك

اواب :- وحرام عليج الي تسوي

- اني حجيت بعصبيه

اواب :- ظنيتي ظن سوء

- مو سوء شفت بعيني

سحب تلفونه وفتح الرمز وخلاه بايدي

اواب :- فتشي وحذفي براحتج ما اريد غيرج انا

- متأكد مو بعدين تجيني حذفتي حبيباتي

اواب :- ماعندي حبيبه غيرج

- احاول اصدك

اواب :- بكيفج

- ماكو داعي افتش خلينه نبني حياتنا على اساس الثقه المتبادله مو احسن