جنون عشقك

البارت التاسع والثلاثون

شويه ورجع دگ عليه جاوبت بسرعه خايفه على بابا

- هاا شبي بابا

اواب :- ترا مو بس ابوج بالمركز

- مبي شي مو

اواب :- حريشي مايطبه جنه صل

- اسم الله عليه بعدين انت شلون تشرب وانت بالشغل

اواب :- ششارب شبيج

- ليش شارب شررب شرب

اواب :- ماشارب

- يعني سكران من گاعك

اواب :- انجبي بالله

- ليش خابرت

اواب :- جنتي دواي جُوري ليش صرتي علتي

- شسويتلك گلي لتخبلني هو انت دمرتني ذبحتني ذبح ومسوي نفسك البريء وكل الصوج بيه اني مسويت شي بس دافعت عن نفسي وابوي بس انت شسويت تفننت بعذابي واني بعدني مثل الحيوانه داحجي وياك ومنتظره منك تبرير لافعالك رغم ماكو اي مبرر

اواب :- ماكو اي فائده من الحجي بعد

- اي لان الموضوع مسك بس باوع اواب ماينتهي البينه قبل متوضحلي كلشي لازم اعرف كلشي وبعدها كل واحد يروح بطريق

اواب :- ما امشي بكيفج انا يلا

سد التلفون بوجهي ضليت صافنه هذا شبي
انتبهت للساعه ب 12 بالليل عدلت گعدتي وحاولت انام بس مگدرت
اجت منة يمي تمددت بصفي

منة :- اكلج جُوري ماما ايناس تكول شكلتج الدكتوره علمود گلبج

- ليش شعليها الدكتوره واكلها

منة :- ولج ثوله انتِ مو گلبج تعبان شلون متگوليلها

- مادري راح من بالي بعدين هالفتره گلبي زين حتى التسارع راح

منة :- يمعوده باجر خل نروح لدكتورج مال القلب وهم للدكتوره خاف مو زين عليج

- الله كريم الكاتبه الله يصير

منة :- ماتنامين

- ماكدر

منة :- ولا اني

- كلش صعب هذا اليوم

منة :- كلش

- بالي يم بابا

منة :- يستاهل ترا

- منة بابا مهما غلط ومهما سوا يبقى ابونه الي بعمره ما اذانه

منة :- بالنسبه الج اني بعمره مجان ابوي

- ما اعرف شنو احجي انتِ جرحج منه يختلف

منة :- ترا انتِ اكثر وحده تأذت منه بسببه صار وياج كل هذا يجوز احنه محصلنه حنانه وحبه بس ماتأذينه مثلج

- كرهته لفتره ورجعت سامحته يبقى ابوي لتلوميني على حبه

منة :- اي معليه