جنون عشقك

البارت الاربعون

أنا لستُ.. آية وَلا كِتاباً ،
لكنُني سِطر واحُِد،
سَتتعلم مِنْ.. بَعديّ.. ما معِنىٰ خَسارة النُِساء ..
_____________

جان الشي الوحيد الحلو والمفرح بهاي الفتره هو رجعة ماما ورَتل وعاصم جنت كلش محتاجه ماما توكف وياي بهاي المحنه تجي وياي من اروح للمحكمه مجنت مستعده اروح وحدي

استقبلنه رَتل بالاحضان خطيه جانت فرحانه كلش والضحكه مفارگت وجهها ومثل ميكولون الطاقه الايجابيه تعدي ف صارت اجواء البيت كلها ايجابيه
صح جان ناقصنه بابا بس عندي احساس يطلع

رَتل:- لعد وين بابا

منة :- مموجود بابا

رَتل:- وين مختفي اخابر وماكو

عاصم :- يابه ابوج حاليا بالسجن اكو قضيه بسيطه بس تنحل يعني حيضل فتره

رَتل:- عزاا ليش محد گلي

عاصم :- علمود حالتج النفسيه ماردتها تتأزم

رَتل:- ان شاء الله يطلع بسرعه

عاصم :- محلوله يابه

- صدك عاصم

عاصم :- اي معليكم

- ان شاء الله

ورا الغدا الكل تفرقو للغرف واني رحت ورا ماما جانت ضايجه علمود بابا
- مشتاقتلج ماما

حُور:- تعالي حبيبتي تعالي

رحت تمددت بصفهت وهي حظنتني

حُور:- شلونج امي

- تعبانه كلش

حُور :- سوده عليه شكد تأذيتي

- ليش هيج حظي

حُور:- لا لتحجين على حظج متدرين الله شنو ضاملج ولا تدرين شنو من بيبان راح تنفتح بوجهج اعتبري هاي بدايه جديده الج ورجعي اوكفي على رجليج

- ماما مشكلتي احبه وشحبيت منه مادري

حُور:- ميستاهل والله دمرج واذاج واجتج الفرصه تخلصين منه اخلصي وكملي حياتج

- ان شاء الله

حُور:- يمتى موعد الدعوى

- بعد باجر

حُور:- خوش ماضل شي للفرج

- كون بابا يطلع والله احس بالذنب

حُور:- خليي خل ياخذ جزاءه هاي اخرة اليلعب على بنات الناس رجال شكبرك شعرضك اسمك شكبره تسوي هي سوالف والله عيب عليه

- غلط هواي

حُور:- طول عمره هيج وابد ماتاب ولا جاز واني ساكته ومتحمله علمودجن ولان ماعندي احد ضليت ويا

- بس ماما انت تدرين بابا مريض بالله صارله شي بالسجن

حُور:- يطبه طوب ولج ورا هذا العمر يخوني والله عيب على شيباته