جنون عشقك

البارت الاخير

"مُدِّ ليّ يَدُكِ، نُخَيّط جِراحُ الأيّامِ مَعًا ".

___________

'منة '
رجع احمد يلح عليه بخصوص الخطوبه كل يوم يدزلي صوره للشقه الي ديسويها وهيج اسويلج وهنا الغرفه جان شعور حلو ما اگدر انكره
سويت مثل مگالت جُوري ورحت لماما حجيتلها عنه بالبدايه موافقت
بسبب الفوارق البينه بس من شافتني مقتنعه نوعا ماما گالت

حُور:- خل يجيب امه ونشوف قابل  شسافادينه من الاغنياء شو بس الهم وطياح الحظ

- مو بالله ههههه

حُور:- عاجبج انتِ مبين

- حسيته يحبني

حُور:- مو بعدج صغيره

- اي بس خطوبه اشوفه اتعرف عليه خاف يطلع خوش ولد واضيعه

حُور:- بكيفج بعد وهم شوفي ايناس

- اي طبعا بس گلت اشوفج اول خاف متوافقين

حُور:- حياتج امي وانتن ما شاء الله ماتسون غير الي براسجن هذيج اختج هم ماسوت غير الي براسها

- جُوري جبيره وتعرف تختار وشتسوي بعدين عدها طفله ترديها تتشتت بينهم

حُور:- تشتت ولا يكون ابوها مجرم

- ماما هي مقتنعه بي قابل شنسوي

حُور:- اي شگول غير الله يسعدها

- وهم ادعيلي ولرتل

حُور:- مناسيتجن ترا كل يوم ادعيلجن كلجن

- فديتج فديتج

بستها ورحت حاجيت ماما ايناس الي عارضتني بشده بسبب عمري حجيت توسلت ماكو قفلت

- زين ماما ليش هيج رافضه

ايناس :- بعدج صغيرة لاحگة على الاذيه دعيشي حياتج تونسي تخرجي بعدج توج مرحلة ثانيه

- ما اتزوج راسا بس خطوبة اشوفه اذا زين او لا

ايناس :- شيلي الفكرة من راسج

تقربت عليها حظنتها

- خايفه ليجي واحد ياخذني منج مو

ابتسمت والحزن مبين عليها

ايناس :- ماعندي غيرج طبعا اخاف

- فدوة لعمرج ترا مستحيل واحد ياخذني منج بعدين ليش تفكرين هيج معقول اكو ام متريد تفرح ببتها

ايناس :- والله بعدج صغيره

- بس اني اشوف روحي گدها خليني اجرب

ايناس :- خطوبه وزواج هاي مو لعب بعدين ابوج مستحسبل يوافق

- من يشوف احمد وشلون رايدني يوافق

ايناس :- الله كريم

- شنو يعني وافقتي احاجي

ايناس :- اي