My Everything In His Past (2nd Book of 'In His Past' Series)

Chapter 86

Hindi mapakali si Apple Pie. Hindi niya alam kung ano pero alam niyang may mali. After that young girl told her that Yohan just threw away her letters, she immediately knew that she was lying. Yohan would never do that. Mukha mang nagbubuhat siya ng sariling bangko dahil sa sasabihin niya ngunit alam niyang patay na patay sa kaniya si Yohan. He would never throw her letters away. 

That young girl was clearly lying and now she understood that she has to find another way to deliver her letters to Yohan. Buong gabi siyang nag-isip ng paraan upang ma-contact si Yohan hanggang sa makaisip na nga siya ng solusyon. Ngayon nga'y pinaghahandaan niya ang naisip na plano.

What plan, you may ask.

Well, kung hindi niya ma-contact si Yohan then ang kapatid nito ang susubukan niyang kausapin. Buti na nga lang at doktor si Xav sa panahong ito sapagkat magagamit niyang dahilan iyon upang mapapunta ito sa mansyon at makalapit sa kaniya.

She started walking down the grand staircase and when her eyes spied her aunt walking toward her, she immediately faked a faint and even tripped halfway through the stairs. Aaminin niya na hindi kasama sa plano niya ang last part na iyon pero nakatulong iyon para mas mukhang kumbinsido ang acting niya. If it helps then she ain't complaining. 

"¡Dios mío, querida! ¿Estás bien?" nag-aalalang ika ng matanda habang nagmamadaling lumapit sa kaniya. Siya naman ay pa-feeling Golden Globe's awardee dahil sa acting niyang napaka-cringe.  Mukhang naniwala naman ang matanda dahil todo asikaso ito sa kaniya. Tinulungan siya nitong tumayo at inalalayan pa papunta sa pinakamalapit na upuan.

She put her hand on her head and acted as if her head was spinning. "Tiya . . . ang sama po ng aking pakiramdam. Mamamatay na ata ako," sumbong niya dito ngunit agad ring napatigil dahil mukhang nasobrahan sa pagiging OA ang huli niyang sinabi. Buti na lang at hindi iyon agad naintindihan ng matanda at kailangan pang magtawag ng katulong upang mag-translate para sa kaniya. Nang sa wakas ay maintindihan nito na masama "kuno" ang pakiramdam niya ay agad naman itong napalingon sa kaniya. 

She worriedly asked, "¿Necesitas una doctora, querida?"

Hindi pa rin niya ito fully maintindihan pero nahagip niya ang salitang "doctor" sa sinabi nito kaya naman agad-agad siyang napatango. "Sí! Sí! Doktor! Kailangan ko ng doktor." She made a poor attempt on telling the woman that she wants a doctor. Kahit nga ang kaisa-isang Spanish na natutunan niya na ibig sabihin ay "yes" ay kaniya ng ginamit. Buti na nga lang at mukhang naintindihan nito ang nais niya dahil napatango-tango na lamang ito habang pinapalapit ang isa sa mga katiwala nito.

"Por favor busque un médico lo antes posible," utos nito sa katiwala ngunit bago pa ito makaalis ay pinatigil niya ito. 

"Maaari po ba na si Ginoong Danilo ang doktor na kunin mo?" Nilingon niya ang tiya at nakita ang pagtataka sa mukha nito kaya naman agad niyang dinagdagan ang sinabi upang maging paliwanag dito. "Narinig ko lamang na isa siya sa pinakamagaling na doktor rito sa ating bayan. Tanging mga "pinaka" lamang ang nais ko at wala ng bababa pa doon."

Mabuti na lamang at kinagat ng kaniyang tiya ang palusot na iyon dahil tumango-tango lamang ito at sinenyasan na ang katulong na umalis. Matapos iyon ay naghintay lamang siya na dumating si Xav at parang tangang umakto-akto pa ring nahihilo upang hindi maghinala ang kaniyang tiya.

Mga ilang oras ata ang hinintay niya bago pa makarating si Xav. Kung totoong mamamatay na siya ay tiyak nasundo na siya ni San Pedro dahil sa "bilis" ng pagpunta nito dito. Inintindi na lamang niya dahil walang sasakyan sa panahong ito.

She was sitting down on a long sofa when Xav worriedly barged inside the sala of this mansion. Mas nauna pa nga itong pumasok sa bahay kaysa sa katulong na naghatid nito dito. His eyes immediately glanced at her and she saw his sigh of relief upon seeing that she was okay. He immediately composed himself before smiling politely at her aunt.