كفاك ظلماً

مشاهد مستقبليه

قبل متقرون خلوو ⭐⭐⭐⭐

#مشهد ١

كعدت على الجربايه واني جسمي كله يرجف خايفه ماكدر اخلي يقترب مني مجاي اتقبله رغم هو حباب كلش ويحبني

دخل للغرفه مبتسم سد الباب ومد ايده على قميصه اني بسرعه دنكت

فتح اول دكمتين وبعدهه تركهن كعد بصفي كلش لزم ايدي وكال... شتاقيتلج

باسني بخدي واني متوتره حيل وكلبي يدك سريع لزم ايدي وكال.... شبيج ترجفين

ابتسمت مجامله كتله بارده

ضحك وكال .. احنه تموز وين البرد

نكت خجلانه حضني وكال ..ممصدك صرتي الي ممصدك فرحان حيل

تقرب مني واني احاول ابتعد مد ايده على سحاب الفستان وخلا وجهه بركبتي حسيت بقرف من لمساته ابتعدت ابجي وارجف

هو بتعد مني بس عصب كلش ضل يباوعلي بعتب راد يحجي اجه اشعار من موبايلي حسيته نقذني

راسا كلت..... هاي روح

سحب الموبايل وكال... هو اني اريد اشتكي عليج يمهه

مسحت دموعي وهو فتح الموبايل اني نصدمت كلت اكيد هاي لو مفشره لو غالطه

تفربت اخذ الموبايل وجان انصدم محادثه من شخص غريب بعدني قيد الصدمه رفع راسه باوعلي وعيونه بكصته من العصبيه

اخذت الموبايل وجان اشوف كل محادثاتي قبل ست سنوات من جنت مراهقه ونضحك عليه بأسم الحب

بعدني اريد ابررله اريد اكله هالشي صار وانتهى قبل ما اتزوج بس مخلاني احجي

لزمني من ايدي وكال .. هاي الصور والفديوهات الج؟....

كمت ارجف عاط بيه مره ثانيه

حجيت بارباك... اي

محسيت الا وراسي مركوع بالحايط وخشمي كام يصب دم تقدم عليه واني كمت اشوف بغواش

# مشهد ٢

دخلت للبيت الدنيا ذالتني ومسويتني مكفخه لا اهل لازوج لا شغل لا دراسه كلشي ما اريد من الدنيا بس اطفالي يرجعون لحضني وبعدهه لو اموت هم معندي اشكال عسى ما يحركوني

لاكتني الي اسمهه امي باوعت عليه من فوك ليجوه وكالت... وين جنتي

رديت عليهه بنتر... جنت بالگبور

حجت بتحذير... نجبي ولتخليني اطيح حظح

كعدت على الكرسي محسيت الا نعوج وكعت وكعه على ضهري عيوني صارت بكصتي كمت بسرعه وهي تضحك

حجيت بغضب... عليمن ضحكين على ابوج

جاوبتني... نجبي ادبسزز كوليلي وين جنتي

كعدت بالكاع وطلعت جكاره من جيبي ضربتني على رجلي رفعت راسي خازرتهه شبيجججج

رجعت كالت وين وليتي