كفاك ظلماً
البارت السادس
...
طيف عامر
..........
لــ روح:-
لم أكنّ سيئه بل سائت بي الأيام...
..........
من سمعت كلام بكر وياها ابد مستغربت عادي أعرف بيها خبيثه مو جديده هالشغله
بس هالمره فاقت كل الحدود والحقاره
اخذت موبايلي واتصلت عليه ميجاوب جنت لازمه الموبايل وايدي ترجف ودموعي تنزل
وجع استحل گلبي وسيطر عليه نمت على الجرباية وبايدي الموبايل اتصل عليه وميرد
طلعت مثل المخبله تلاكيت ويا عثمان بالصاله كاعد
من شافني ضل يباوعلي باستغرب اني وكغت مقابيله وگتله... خويه بلكي تاخذني للمستشفى امي ماعرف شنو بيهه
واخوك ميجاوب
هو عدل كعدته وكال... اني آسف والله ماكدر اخذج اصبري باجر يجي وبنفسه ياخذج
اني تخبلت يعني يعرف ويريدني اصبر واسكت على سوالف مرت اخوه
رجعت لغرفتي واني احس بوجع ينهش صدري
نمت على الچربايه والباب ندك صوت عثمان يحجي بس ممركزه ويا كلامه
لحد ما دخلت دارين فتحت الباب وباوعتلي متفاجاه كالت... هاي شبيج ياعيني شنوو صاير وياج
جاوبتهه بصوت كوه يطلع... اريد امي اخذوني لامي عفيه
هي عدلت شعري وكالت.. والله هسه خابر عمر وصاني بيج باجر يجي هو ياخذج بنفسه
اني بتعدت عنها من حسيت على وضعي
غمضت عيوني بألم وحجيت... روحي منا اريد ابقى وحدي شويه
هي باوعتلي وغمضت عيونهه وكالت... عفيه والله اخويه مناقصه هو تزوجج وحماج من اهلج خلي الله بين عيونج خطيه ترى لا كلش عليه
باوعتلهه بخزره هي بسرعه طلعت
اخذت موبايلي ودكيت على كل ارقام اهلي بس ميجاوبون
اخر شي طلعلي رقم فاقد ردت اتصل بيه بس تذكرت عمر مانعني ماعرف شلون اوصف الاحساس البشع الي اجتازني
بگلبي كلت باجر يجي غصباً عليه هو ياخذني، ابد ما غفت عيني ولا شفت النوم للصبح كاعده منتظرته افز كلما اسمع صوت الباب ينفتح
للعشره كلش ايست هو يكذب عليه ومراح يجي ضليت ابجي لحد ما وضعي صار بالنازل
والباب يندك واتي قافلته وحلفت اذا ميجي اليوم اسوي شي بنفسي
ندك هالمره قوي عطت بصوت عالي.. شكووو شتردووون
محد جاوب كلت ماكو غير ساره النعاله اليوم اطيح حظهه
كمت افتح الباب والشر متجمع بعيني فشلت من شفته واكف يم البال لازم ادم بايده
باوعلي بعدم قبول وكال
عمر... شنو هاي شنو صاير بحالج الحلك الخشم العيون هاي شبيج صدك تحجين !!!
أنت تقرأ
كفاك ظلماً
Mystery / Thrillerكفاك ظلماً (الامرأة المتمردة) أكتب إليك فلا أحدٍ حولي سيفهم ما بداخلي.. أنا إمرأة بسيطة للكثير من الهموم تحتوي.. فرحي قليل حزني كثير شربت من الحياة ولم أرتوي من حولي لا يفهمني أحدثهم ولا أحد منهم يسمعني وكأن الحظ يعاندني والوجع يصاحبني.. وصدقًا أغ...
