كفاك ظلماً

39

كفاك ظلماً
-٣٩

يبنيات ترى اني تعبانة ماكدر اصحح قلبوشاتي اعذروني اذا اكو اخطاء
وشسمه هذا بارت هدية مدري المن بس تستاهلون
خلن نجمة وابدن اقرن يلله..

روح...
بيوم من اسوء الايام جان بكل حياتي..
جنت نايمة كالعادة بالاستقبال وصوت الكلاب تكرمون قريبه ع البيت والجو جان بيه نوع من الحرارة العالية..
الكهرباء الي معروفه عدنا يومية صاير بيها خلل ومن تطفى حضره ابو المولده نايم وينسي ينطي سحب واضل كاتلني الحر..

بيدي اوراق اهفي بيها على نفسي وباب الاستقبال سادته بس ما قافلته عمر مرات يجي نص الليل وخايفة متاخذ عيني نوم لحد ما احس بيه قريب مني يله اغمض واني مرتاحة...

ولدي رغم جانو صغار بس اتشجع بيهم واحس بيهم اماني وسندي وكلشي حلو صار ويايه...

حسيت الباب نفتح عدلت كعدتي وصحت
ـ عمر هذا أنتَ؟؟؟
مجاوب دب الخـوف باعماق داخـلي..
صرخت ،،، منو هنااا  احجي منووو عمرر،عثمان منوو اجه..

مجاوب بس خيال ضخم وريحة مشروب طالعة اني لهنا وفقدت  من الخوف نص الليل او راح يطلع الصبح صرخت باعلى صوت وحسيت بايده القذرة تنحط على حلگي تمنع بقايا الكلام الي يطلع مني..

دفعته هو ضخم واني ناعمه ضربته برجلي بقوه لحد ما ضربني بقبضة ايده على صدري جهة قلبي بالتحديد،حسيت نفسي جاي افقد شويه شويه واختفي من عالم الدنيا

ايده الثانية تسللت الى رگبتي وخنكني بكل قوته صرت ارافس تحت رحمته واديه مو كافيات حتى ابعده عني
صرت ازلغ بيه وهو غول كلشي ماكو لا يحس ولا يبتعد مني..

زلغته باظافري على طول   وجهه لدرجه حسيت اكو شي سائل صار بايدي...
ترك حلكي وايده صارت علىواديه لزمهن ثنينهن بايد وحده منه والثانية تخنق بيه..

لهناك وسمعت صوت طلقة طلعت فزست ونرگع راسي بالحايط ..
  
واعلنت ساعات الفجر عن جريمة حدثت بشهر نيسان باحد الازقة العراقية البغدادية وتحديداً بيتي الي جنت متخذته مأوى الي ولـ اولادي..

 
كـل كـلمات العـالم متـوصف الـشي  الـي صـار ويـايه..
بعمري متخيلت هيج راح يصير ولا
تمنيت بيوم اشوف الي شفته..

صوت الرصاصة اخترق اذني صار الصوت احسه يوشوش ومديطلع من راسي، ريحة دم؟؟ منو الي مات؟؟ بالاصل منو هذا؟؟

ابتعدت عنه ضربته برجلي بجسمه القبيج وريحة المشروب ممزوجة بريحة الدم وعبرت جثتة ودموعي تنزل واحس گلبي ينزف..

شفت ابو جهالي وحبيبي وزوجي وحبي الوحيد بيده المسدس ويباوع بجمود ولا كانما قتل بشر...