كفاك ظلماً

32

#كفاك ظلماً
#البارت الثاني والثلاثون
#للكاتبه طيف عامر..
.
.
- أتعلم شعور أن تعاني المُرّ بشتى أنواعه تشعر بالحزن بلا سبب والحنين بلا ذكريات ، والأمَرّ من ذلك كله هو أنك لا تستطيع وصف ما تشعر به.
.
.

أبراهيـم :- جنت ازور گبر المرحوم جدها (ابو إسراء) شلت دبه مي وغسلت گبره بمي ورد..

ومسحت النقاط الدموع الي جانت واگعه فوگ الگبر وطابعه بنص التراب الي معشعش ومغطي الأسم..

وگفت وغمضت عيوني وقريـت الفاتحة لروحـه التفتت واني اتذكر هي واكفه يمي وينهاا!!!

درت وجهي يمنى يسرى ماكو ! للحظه شكيت اني بحلم، او اني جاي بوحدي ومحد ويايه

اباوع للسما الشمس دتغيب وراح يحل الظلام واتذكرت كلام زوجهه من گلي.. عمو اني ازور كبر قمر وأنت وياها روحو لكبر جدهـا وامل..

صرت مثل المختل ادورها وين! بيا مكان الكاهـا واني بمگبرة؟.

طلعت من الفتحه المدفون بيهه جدها صرت اتمشى بلكي الكالي واحد هناا واسال او الكاهه كاعده نايمه واكعه متخربطه المهم الكاها..

فقدت الامل بعد مرور دقايق طويله قد تكون ساعة ملگيتها وين وشلون ماكوو..

كفاك ظلما:
اخذت نفس يجوز راحت ويـ عمر اي اكيد لعد وين تروح حتى سرداب ماكو حتى اشك بيهه واكعه لو داخله بيه ..

صرت امشي وحتى گبر قمر ما اندله اتصل على عمر وميجاوب ياخي تمنيت الكاهه الا ادوس بطنها هلكد تحب تحشر روحهه وتسوي مشاكل توجع الراس ..

رحت للكراج وجانت السيارة فارغه لا اكدر ازور ولا اكدر ابقى هناا ختنكت.

لحد ما صارت ب8 شفته من بعيد اجه باوعلي وكال باستفهام ـ شعجب ما دخلت زرت؟

باوعت وراه هسه تدخل هسه تجي ماكو
فزيت من مكاني ويشهد الله الرعب الحسيته ماضن بيوم عشته ..

هو عقد حاجبه وتقرب مني لزم ايدي وكال ـ شبيك عمو شنو صاير بيك احجي عموو

جاوبته بلكوه ـ وين مرتك؟

رد عليه بأستغراب ـ وياك غير.

لزمته من ملابسه بقوه وسحبته ـ عمر لا تخبلني مرتك وين عفتهه بس لا سويت بيهه شي احجيي .

بتعد عني وعدل قميصه وكال ـ عمو ترى هي هم امانه عندي قابل شسويت الها وشگدر اسوي مثلاً؟

جاوبته بعدم تصديق ـ ترى هي امانه!

غمض عيونه وهو معصب گال ـ ترى هي امانه عندي واذا تاذت معناها ما صنت الامانه شتحجي انت؟ شنو اسويلها مثلا؟ اني عفت مرتي يمك عمو وينها؟

دفعته بقوه وهو عصبي كتله ـ انجب زمال مرتك وين هي اجت وكالت هو رايح لمرته وبعدهه البنيه ختفت وين راحت .