# كفاك ظلماً
شلونهن خالاتي الحلوات
شلونهه الامتحانات وياكم؟؟ ...
اعذروني على التأخير
احب اذكركم باخر حدث اخاف ناسي
- سفر روح وعمر..
ـــــــــــــــــــــــــــــــــ
حنيتلك بس بعديش لڪيتك عايش بغيري 🦋🫂
...
زينة
احلى شي هو لما تحب شخص وهذا الشخص هو يكون نصيبك
بس اني الحظ كان معاكس ويايه بكلشي
مرات اگول بيني وبين نفسي اني مثل امي هم ماعدهه حظ وحتى لو تزوجت هم ماراح اعيش مرتاحه
بس ارجع واكول ميصير هالحچي اني عندي خال يسوه الدنيا والي بيهه
صحيح هو ابو الشخص الي جرحني بس ابد ماعنده حزازيات إنسان عادل
كالعادة اليوم كاعده اباوع على رجلي شكلهه صاير يخوف ودموعي واكفه بطرف عيني اتذكر اتصال عمر بيه قبل كم يوم
سلم عليه وبعدهه كالي عن عثمان وان هو جان ديحجي وينطي تفاصيل للبنيه الي دزهه عمر وهو معليه وماكو خيانه بالموضوع
فرحت لان مخاني لان حسيت بخذلان وخابرت بيومهه على روح وحجيتلهه الي صار كله من بدايته لنهايته
رغم هذا الموضوع اربع مرات سمعته بس جانت عبالك أول مره تجاملني وتستفسر هواي
ـ روح :-حبيبتي لتخلين بالج وتضوجيهه لروحج عمري هالشي يصير لأن أنت عبالج هو نفس والدج
وجنتي مفكره مصيرج مثل مصير امج من خانهه ابوج وطلگت لتلوميهه لنفسج كافي ميفيد الندم بعد
ـ شنو اسوي والله حتاريت
ـ روح:-على شنو تحتارين امي،،، كوني طبيعية هو اكيد يعرف بعمر متصل عليج
لا تصيرين عصبيه وتخلي يبتعد ويخاف يفتح موضوع
ولا تكونين لينه وهشه لدرجه يتكبر ويحس بنفشه واو لان هسه هو حاس بروحه عنتر زمانه وأنت متكسره من وراه
زينه،،، يعني ما اعتذر
روح،،، اني ما انصحج وأنت بعد بكيفج القرار راجعلج..
تمام
كلتهه وطفيت الموبابل مالي خلگ لكلشي هو ليش مصالحني لو يحجي ويايه محسسني مو مهمه لو هو ميريدني علمود رجلي
بقت السالفه تاكل وتشرب ويايه واني على قهري اتصلت بيه روح وجنت ابجي مفتهمت اي شي مني
بالليل اجه خالو احمد وجايب وياه عشى سمعت صوته يضحك ويا امي باسهه براسهه وندار عليه باسني وكال.. شلونهه اميرتي الثانية
زينه
ضحك وكال.. همزين زينه يا زينه
يله بابا تعالي ناكل
هزيت راسي وكعدنه على السفره ناكل كملنه بين ضحك وحجي عن الشغل غسلت الصحون ورجعت كعدت
أنت تقرأ
كفاك ظلماً
Misterio / Suspensoكفاك ظلماً (الامرأة المتمردة) أكتب إليك فلا أحدٍ حولي سيفهم ما بداخلي.. أنا إمرأة بسيطة للكثير من الهموم تحتوي.. فرحي قليل حزني كثير شربت من الحياة ولم أرتوي من حولي لا يفهمني أحدثهم ولا أحد منهم يسمعني وكأن الحظ يعاندني والوجع يصاحبني.. وصدقًا أغ...
