كفاك ظلماً

البارت السابع

كفاك ظلماً /البارت الـ٧

طيف عامر 💔

‏المواقف ، كالعواصف !
تهبُّ، فيتساقط على إثرها :
أوراق و أقنعة و ضمائر.

......

- روح

من اخذني للدكتور جان عندي امل ولو واحد بالمية ينعدل وتتحسن علاقتنا رجعت نمت واني كل شويه حاضنته لو اصفن بوجهه فرحانه بتطور علاقتنا

صدمني هو من كال.. لازم تنزلين الطفل

فزيت من مكاني ابتعدت شغلت التيبلام الي من جهتي فز ادم ضل يبچي

هو تقرب منه وخلاه بحضنه

كمت من مكاني مزعوجه وهو ساكت

رحت للحمام غسلت وجهي وركبتي ورجعت كعدت على طرف الجربايه

نوم ابنه ورجع سحبني من ايدي وحاوط خصري بأيده

غمضت عيوني واني معصبه واحاول بس اهدء نفسي وما اتهور

دفعته وابتعدت منه...

روح.. ليش متريد مني طفل؟؟

هو دار وجهه وغمض عيونه بقوه بعدها باوعلي واشرلي اكعد

عمر.. خلينا نتفاهم كعدي ليفز الطفل خطية

رحعت كعدت هو لازم ايدي ويدلك بيها بهدوء

ضربته رجله هو قيد حركتي وكال... خلص نامي باجر نتفاهم ويصير الي تريدي

غمضت عيوني ومكدرت أنام ابد افكر بكلامه خاف يموت إبني لا ميسويها مولهدرجة؟!!

اتصنعت النوم لكن بالحقيقة ابد ما غفت عيني كل شويه اتلمس بطني وتجيني افكار سخيفه

سحبت ايده وخليتهه على بطني هو فز وصار يمرر ايده بهدوء

اصعب شي لما تعيش ويا كائن غريب متعرف شنو يريد وشنو يحب وليش وشنو السبب !!

الصبح لبس ملابسه وطلع  واني رجعت افكر لحد ما مليت وطلعت اسوي اكل

لكيت بكر بالمطبخ من شفته بسرعه طفرت ماعرف ليش اخاف منه هو عصبي ومن النوع الي ماعنده لحيه مسرحه يحجي الي يعجبه بدون حدود

دخلت لغرفتي فتحت التلفزيون على قناه بيها قران وكعدت استمع لحد ما خلص وبدأ دعاء الصباح واني مغمضه عيوني ومرتاحه

لحد ما خلص نصيت الصوت وطلعت اسوي اكل هالمره ما اتحمل جوعانه حيل

رحت وجان الكاه بالصاله كبال المطبخ استغفرت ربي وحجيت بيني وبين نفسي... هو شنو مسوي أنتِ جبانه وتخافين هواي هو ولد محترم حتى ميرفع عينه

دخلت للمطبخ سويت جاي وطلعت جبن الي وكفت احمي الخبز دخل بكر باوعلي  
بارتباك وكال.. خويه بلا زحمه متسويلي ريوك اريد اروح لشغلي ومحد كاعد