كفاك ظلماً
البارت ال١٢
للكاتبه ـ طيف عامر
........ .......
- مدري شمات بيه وكمت ما اشتاگ
عمر تانيتك ومليتك بسرعة
من شفت على عينك لون غير عيون
غسلت جفوني منك ب١٢ دمعه
واني الخاطرك خنت الوفو وياي
من اوگع يعني حيل استاهل الوگعه
البقى يم مرت ابوه لمن يغص بالزاد
ينتظر الـ اسم الله وتوصله "وجعه"
روح
حسيت شي بداخلي نكسر
باوعتله بنظرات حزن هو قابلني بنظره استغراب
اقترب مني وهو يكول
ـ شبيج صاير شي؟
هزيت راسي بـنفي ودنگت واني اعصر باللحاف رفعت راسي شفته واكف وعلامات الحيره مرسومه على ملامح وجهه
بلعت ريگي والشهكه احسها تمتلك سكين تجرح بلعومي
گتله ــ اخذني لبيت عمو ابراهيم اذا ممكـن
هو باوعلي لحظات ودار وجهه نزع الستره وتركها على السرير بعدها حسيت بأيده تلامس كتفي رفعت كتفي متقززه من لمسته
وبعدها ابتعدت منزعجه ومتضايقه من كلشي
هو خله ايده على راسه حك شعره بتوتر وگال ـ هو مريض وتعبان مو مال تشلعين گلبه وتشكيله مني
بس هالمره اجليها واوعدج كلشي تطلبي يتنفذ بس لتگوليله ما اتحمل زعله عليه..
لزمت راسي وحسيت بدوخه راد يلزمني ابتعدت عنه واحاولت اكعد جان اوگع حسيت عظام رجليه تفلشت
هو دنك لزمني دفعت ايده وگتله:- تلاث اشهر ساكته تتوقع مني هسه احچي؟؟
اطمئن مراح احچي شي من الي صار
بس اريده محتاجته حيل
هو قرب ايده على خدي تلمسه وگال... شنو تريدين منه
بعدت خدي للطرف الثاني وكلت.. مراح تفهمني راح تضل تلح الى ان توصل لمرحله تجي تلكاني منفذه وحده من افكاري تلكاني اما محترگه او شانقه نفسي او اشرب العلاج الي ممنوع عني
وساعتها خلي ملحتك تفيدك
تقرب مني وشالني واني احس بنار بداخلي غطا جسدي وضل يلعب بشعري
درت وجهي ونمت صفح واني محتضنه الطفل الي داخل احشائي
بگلبي گلت ـ مستحيل احرمك من اخوك الچبير مستحيل اظلمه واظلمك واكون مرت اب قاسيه
ونفس الوقت مستحيل اضحي بنت اختي
ياربي والله حيره ثنينهم عتبرتهم أولادي ثنينهم أطفال ومالهم ذنب
درت وجهي عليه واني اباوعله بحقد.. كله منك ومن سوالفك لوما انت مجان عرفت هالنذل
لوما انت مجان طفله بريئه بأيد واحد مجرم وحقير
كله من وراك من يوم الي شفتك مرتاحيت انت السبب بكلشي حتى عداوتك ويا فارس انت البديت وحشرت خشمك وعاديته وجبرته ياذيك ويقتلك مرتك
نمت واني محتاره بمنو اضحي ويا ترى اختي شنو هذا صاير بيها
ثاني يوم هو گعدني بالعشره باوعتله بانزعاج كتله... شنو تريد منيي
أنت تقرأ
كفاك ظلماً
Mystery / Thrillerكفاك ظلماً (الامرأة المتمردة) أكتب إليك فلا أحدٍ حولي سيفهم ما بداخلي.. أنا إمرأة بسيطة للكثير من الهموم تحتوي.. فرحي قليل حزني كثير شربت من الحياة ولم أرتوي من حولي لا يفهمني أحدثهم ولا أحد منهم يسمعني وكأن الحظ يعاندني والوجع يصاحبني.. وصدقًا أغ...
