كفاك ظلماً

البارت ١١ (ج٢)

"رمضان كريم "

كفاك ظلماً

بارت ¹¹ من سلسلة الجزء الثاني ..

لا تقترب مني لقد مات الذي ما بيننا
والاטּ حقاً اڪرهك
ڪم ڪنت اقدر اטּ ارد لك الاذئ
اضعافه..لـڪنني لا اشبهك..🙂

...............

نورهان  ...

ضلتي ابجي قبل كم يوم جنت اني بدالج واليوم انتي شراح نشوف اكثر امي كامت تضرب على وجهه وتصرخ دخلت ام محمود هي ذبت عليهه مي وخلت راسهه على صدر روح كالت.. لازم ناخذهه للمستشفى لا تموت البنية..
امي ركضت على الشارع صاحت جيرانه ولزمت روح وام محمود ساعدتهه هي حيل ضعفانه واخذنهه للسياره تعبانه حيل

ركضت وراهن البس بصايتهه لروح ماعرف ملابسي وين ابجي وامي تكلي ابقي بالبيت

بقيت بس كلبي نار عليهه خابرت على امجد وكتله كال ابوي مسافر واني بالبيت هسه اجي قفلي الباب

قفلته وضليت محتاره وكاعده افكر بيهه..
خابرتني امي بالخمسة كالت صارت زينه ..

طمنت وفرحت حيل غسلت وجهي وكعدت انتظرهم

.....

عثمان

من فتره متابعين موضوع يسار الى ان اجه اليوم الي خابرني عمر وكالي
ـــ عثمان ابني لكيته ابني لكيته راح اخذه راح يرجعلي

مستوعبت الي كاله عبالي مثل كل مره اشتباه لا اكثر
ـــ متأكد  خاف مثل كل مره

ـ لا هالمره ابني لكيته وراح ارجعه الي راح افرح امه بيه
سكت بعدهه كال ــ يله اني بالطريق

غلق الموبايل ضليت صافن ماعرف اذا صدك بس كلش اتمنى يرجع ابنه وترجعله روح

رجعت للبيت لكيت اهلي هم متفاجيئين ويحجون بهالموضوع..
احمد ـــ بله متخابر على اخوك وتشوفه وين صار

دكيت عليه مغلق بابا ضل يفتر بالبيت لحد ما دخل عمر
احمد  ــ الكلام الي كاله علي صحيح
ــ اي صحيح ابني لكيته
ـــ منو كال ابنك

ــ ممكن فعلاً يكون ابني
ــ ان شاء الله يكون هو وتخلصون من المشاكل،هسه شلون راح تجيبه؟؟

ـ هو بالبصره اني راح البس واروح لأن يم ناس عايش..
احمد ــ اروح وياك
ـ ماكو داعي
ــ ماكو داعي شلون بله تورطت لو طلع مو ابنك لو يعلسوك

ــ شسالفه بابا وين عايشين احنا لا تكبرهه وخليني اروح  ...

اتصلت على روح اكوللها بس ردت عليه وحده صوتهه غريب ـ  منو انته؟

ــ انت منو هذا رقم روح موو
ـ اني اختها
ــ اريد احجي ويا اختج
ـ اختي راحت للمستشفى عمو ابراهيم بلغ امي وهي كالت لروح ومتحملت وكعت