كفاك ظلماً

28

عدت نشره يولي يله يمصكوعات تفاعلن لاتصيرن صنم
خلي احس روحي مشهوره 🤷🏻‍♀️
بداعه عمو عمر السرسري.

# كفاك ظلماً
البارت الثامن والعشرون
بقلمي طيف عامر ...

...

قد تؤلمك مرارة الصبر
ولكن حين يحل العوض من الله سبحانه
ستنسى ما أوجعك.!

روح ...

طبعاً اني فد وحده ثوله وغبيه لا حشاني ولا هم يحزنون استاهل  كل اليصير بيه...

من طلعت من العمليات لحيت عليهم كل ضني عبالي اذا يشيلون البلاستر معناهه خلص اشوف ويطلعوني..

لمن اجه عمر رزلني وكال.. والنبي الي تحلفين بيه اربع وعشرين ساعة اذا ما تسكتين الا اخيط حلكج واريد اشوف شلون تحجين..

اني رديت عليه... اني مو سويت عمليه يله افتح عيوني خلي اشوف

عاط بيه.. ولج كافي دماغ سزز مصارلج يومين من سويتي العملية ادري متحسين بوجع  متنجبين وتفكيني منج..

بلعت ريكي بفشله وكلت.. هسه اني شكلت شبيك معصب..

عافني وراح اسمع صوت خطواته اني طاكه روحي صارلي يومين مسابحه لان يكلي لو اني اسبحج لو ما دخلين للحمام..

عاد اني مستحيل اقبل
كتله / شبيه الوصخ ما بيه شي ابقى لحد ما اطيب..

بس شلون يكلون هي صغيره بس مفعولهه جبير..
اول ما راح نام دخلت للحمام امشي على كيف واني منا شاربه طن دوا حسيت بدوخه ماحس الا وتكومت بالحمام.

صرخت صرخه يمكن الدول المجاوره كلهه سمعت..
اجاني وشافني لو تخبل كومني وهو يرزل ويغلط

عاد اني نخلست ما حجيت شي هو كال والعباس اربطج بعد اذا  متبطلين ..

ضحكت بداخلي من العصبيه كام يحلف مثلي..

هو شافني اضحك اتخبل عباله اضحك عليه عاط بيه ولج ادبسزز عليمن تضحكين على ابوج..

سكتت كوه لازمه روحي بس راسي كلش ياذيني واحس وجع بعيوني قوي حيل
عمر يكلي زين اذا تحسين بوجع بلكي تنجح العملية
....

مليت كلش ظهري نكسر من النوم جنت عادي امشي واني اتلمس مرات انردم مرات اوكع بس هسه ماكدر من العلاج يدوخني..

خابر على دارين واني اخذت الموبايل منه كوه انطاني اياه وهو يغلط ويرزل..
هلاووو لج

عاطت بيه.. ولج شنو لج سلمي عدل ثول

ضحكت وكتلهه.. ادبسزز متسالين متكولين وين راحت مرت اخوي وشسووت..

جاوبتين باهتمام.. شنو سويتي احجيلي اتصل بعمر واستحي اكله اريد احاجي مرتك..

جاوبتهه... عشتوو تستحي البومة عليمن مستحية اكلج يولو أنت مو طبيبة بس كوليلي  يعني عادي احس بوجع بعيوني مو احسهه حتتشلع..