كفاك ظلماً

34

#كفاك ظلماً
#البارت الرابع والثلاثون
#طيف_عامر

«لستِ مني ولكنكِ إلي الأقرب..
مؤلوفة لي كنفسي وهذا هو الأغرب..
فالبعد عنكِ مؤلم والقرب منكِ أصعب..
وصرت أفكر وأتعجب..
فما بداخلي هو شعورٌ مستغرب
وسؤال جوابه علي استصعب
أأنا أحبك؟!
أم هو احتياجٌ وتعلقي بكِ عليه ترتب..
وأيًا كان الدافع والمسبب..
ما أعلمه أن وجودك بات عندي هو أهم مطلب.»

عثمان : هسه غير اعرف شعدنا واگفين هنا؟

عمر  : كتلك شغل كافي تنبح.

سكتت گوه مو بيدي شي اخوي واكبر مني، والله ذوله الثنين عمر وبكر ولا يحترمون الله يساعد نسوانهم عابت اخلاق ماكو بس اني فقير بيناتهم ..

دگ موبايله وهو صافن ميرد ضربته بخفه على ايده باوعلي ورافع حاجبه.. موبايلك !

طلعه من جيبه وهو يباوعلي بعجرفه وگال : قابل اطرش اني؟؟

درت وجهي للجامة استغفرالله اريـد أنزل واخاف عليه لا يسوي مشكلة وابويه من غير شي معصب..

حرك. السيارة واني ساكت ماعرف وين رايحين غصب عني لازم اسكت..

وصلنا لنفس المكان الي احتجز فرقـد بي باوعتله وهو ندار ميباوعلي گال ... انزل  .

كتله.. وين جايبني عمر؟

رد ببرود قاتل ... انزل ونجب .

امري لله نزلت واني ادردم عاط بيه.. اكثر شي اكرهه من واحد يدردم ورايـه احجي بوجهي ماحب واحد يحجي بالخفاء..

عافني ودخل إني امشي وراه وگفت من شفته تقرب  فتح الباب ودخل راد يقفل الباب لمحني واگف

اشرلي باصبعه.. تعال ادخل وردة

ـ ليش اجيناا لهنا؟

ابتسم ابتسامه استفزازيـة وگال ـ دتعال ادخل

جاوبته بقلق.. مادخل وين جايبني ولك.

رد بغضب.. جبتك اغتصبك ادخل لا اطيح حظك زمال هواي احترمتك بس انت جلب..

هزيت ايدي ودخلت وجان انصدم بفرقد معلگ بسلاسل..

بالارض نار مشتعله وعليهه جدر مي حار والبخار طلع منه .

تمشى للغرفه وتركني وياه گال فرقد

:طلعني اني ممسوي شي لتخلي اخوك الخبل يكتلني.

رفعت ايدي باستسلام اذا طلعتك يعلگني بمكانك..

رجع عمر بايده كوب لون ابيض اخذ من المي الحار وتقرب لفرقد بابتسامة.. يا هلا بفرقد العار وابن العار واخو العار شلونك ابو الفراقد

جاوبه فرقد ... ممسويلك شي شكو جايبني لهناا والله اذا اكول لاهلك ميرحموك

ضحك وجاوبه... انت اطلع سالم مناا وبعدهه قرر شتگول.