كفاك ظلماً

5

كفاك ظلماً
البارت الخامس

.....

طيف عامر 🕊

"شغيرني وشغيرك؟
چا والوعد وينه؟
نتلاكى ملكى الغرب
نتسالم ونفترگ محد ترف عينه "

لارا

ماعرف شنو جان احساسي من سويت هالشي كل الجنت رايدته هو اعيش حياتي حالي من حال كل هالبنات

من شفته عبالك شفت ملك الموت ضليت مصدومه هو لزمني من ايدي ودفعني على سياره

ردت احجي اشرلي اسكت وبس صوت الكلاب مخيف والشارع فارغ

فتحلي الباب وصعدني واني اكذب اذا اكول مخايفه
بس هالمره لازم اخلي حد اني مو حيوان عنده حتى يقرر عني او يفكر تفكير سخيف

طول الطريق جنت ساكته بس من شفته رايح لمكان بعيد عن البيت نتفضت وحجيت واني اظعي القوه ـ وين ماخذني!!

مارد عليه عصبت أكثر صرخت بصوت عالي.. وين ماخذني رجعني لتصرف هالتصرفات ترى كرهتك بكر رجعني ماريدك عوووفني

دار وجهه عليه رمقني بنظره حاده جربت افتح الباب ما انفتح ضليت احجي واهدد بيه وهو ولا هامه

نزلني گبال شقق استغربت ليش جابني لهناا،،فتحلي الباب ولزمني من ايدي ونزلني واني ادفع بايده واحاول ابتعد

بدون ميحچي او يفهمني اي شي دگ الباب
دقايق وفتحلنا عمر الباب تحت صدمه وذهول من وجودنا بهيج وقت

لزمني من ايدي ودخلني للشقه وعمر سد الباب ودخل وهو يستجوب بأخوه
بكر كعد وخلا رجل على رجل وگال
..اني آسف اجيت بوقت متأخر اعذرني بس معندي مكان اروحله تحملني بس اليوم

جاوبه عمر بغضب وهو ياشر عليه ..وهاي شعندك جايبهه وياك وبهيج وقت

بكر .. بدون اسئلة روح لغرفتك وعوفنا نتناقش ونحل الخلافات

عمر... يا خلافات بهيج وقت وبيتي؟؟
ميصير هيج الي سويته غلط المفروض تحلون مشاكلكم وتگعدون سوا وتتفاهمون بس مو بهيج طريقه عبالك ..*
سكت وهو يستغفر بصوت عالي

باوعلي ورجع باوع للساعه مالته وگال : رايح لغرفتي إني انتم تفاهموا واحچو ولو هسه مو مال حچي
وحاولوا تعقلون ترى ثنينكم مو زعاطيط اكبروا شويه تعبتونا وياكم

بكر هز راسه وكال... يلله روح خليني اتفاهم ويا خطيبتي

راح عمر وهو باوعلي ثواني بعدهه كال.. شنو الي تريدي ؟

جاوبته بكل اريحيه.. اريدك تفصخ الخطبه ماريدك اني

باوع عليه بعتب وكال.. اكو وحده تسوي سوايتج؟ اكو وحده عاقله ودارسه وفاهمه وبراسها عقل تطلع من البيت ساعه ٣ الفجر؟؟؟