كفاك ظلماً

40

كفاك ظلماً
البارت الأربـعـون /  طيف عامر

..

عفية مرات اكو كلمات غربية او تحسوها غريبة بسبب صديقتي ادزلهه تجي تصحح  حسب لهجتها
ورغم هذا كومة اكو أخطاء بسبب شغلي المانعني اعدل واحذف الأخطاء رجاءً ابتعدوا عن السؤال ليش وليش شراح يصير اذا قريتيها وسكتي مو الكلمات مفهمومة ليش الا دققين ومع هذا بعد ما تخلص الرواية ارجع اعدل واحذف واضيف  . 🦋

عثمان:
اني ودارين ساعدنا روح تخلص امتحاناتها هي اهتمت من ناحية الاكل والاطفال رغم هي مجانت تقبل ابد..
اني ساعدتها بالدراسة بس هي بالهه ابد مو يم الامتحانات كل شويه وكالت اني ماريد امتحن وارجع اذكرها بطلب عمر وتكمل..

صار الليل وباجر امتحانها وهي اسمعهه تحجي لدارين وتكوللها عذبتوني ماريد شنوو هي كوه..

بس كلت الا تكمل غصب عنهه شنو وصلت للاخير ونسحبت..
هم عمر طلعت ورقة اقالته وجانت صدمه النه شكد هو حاول وما استسلم علمود يصير بهاي الكلية بالتحديد بس القدر لعب لعبته..

من رحت اله بالسجن جان كلش مشتاق لعائلتة ويسال على اطفاله واني اطمنه عنهم اخر شي طلع ورقة وانطانياها وكال
ـ هاي انطيها لروح
هزيت راسي وضميتها بجيبي واجه الضابط كال خلص وقت الزياره حضني وكال
ـ روح واطفالي لا تاذوهم امانه لحد ما اطلع
جاوبته..اطمئن والله امانه يمي ميصيبهم شي طول ما اشتم الهوى..

باوع لانحاء المكان وكال...ما اعرف عثمان كلبي ممطمن خايف لا تضوجوها وهي متتحمل

حجيت باستفهام... قصدك روح؟؟؟

رد بتأكيد... اي هي متتحمل ترى ولسانها طويل وترادد انتم تجاهلوها لا تضوجوها خليها يم زينه وعمتي واني منطيها المفتاح روح وطلع الفلوس الي بالخزنه وانطيها خاف تحتاج .

رديت عليه... اسكت شنو هالحجي هي اختي وجهالهه ولد اخوي واني واجبي اني اهتم بيهم ومو بس أني واجب اهلي كلهم اطمئن هم بامانته مراح يصيبهم شي..

هز راسه وكال ... دراستها وامتحاناتها لا تخليها تترك هالسنة واني كلها ايام واطلع..

رجع كمل كلامة... عثمان الورقة خاف تنطيها وتترك الدوام وبعد ماتقرا

جاوبته بسرعة.. لعد اضمها لحد متكمل

جاوبني.. اي احسن شي بس لا تقراها

هزيت راسي رجع كال.. مو تقراها ترى من اطلع اطيح حظك..

هزيت راسي  بنفي.. وهم اخذو وراحو جان هذا اخر مره شفته بيها..

مرت الايام وبدت الامتحانات روح تجي وكبل تنام للمغرب لان ممتحمل طريق وهي منا تعبانه وبس دوخ وتوكع كل شويه ماخذيها..