كفاك ظلماً
البارت الثالث
الكاتبه: طيف عامر🕊
........
هلييي زحمه من اعاتبكم
هلي المفروض حگي انتم تردونه
هلي المفروض من الدنيا تكسرني واجيكم
واگعد بسدكم
هلي چا انه مو منكم؟؟
هلي احلامي الذبحتوهن يغثني
وحگ دمعي الجره منكم
حرت مدري شگلكم 💔
......
كل بنيه من تتزوج تحب تفتخر بعائلتها وحبهم الها واكيد تحب تبرز اهتمامهم وحرصهم عليها وخصوصاً أول ايام العرس للبنيه صعبه من تعيش يم ناس غرب تشتاق لاهلها وحياتها
وكذلك تحب تظهر الجانب الإيجابي دائما بس اني ميظهر الا الجانب السلبي
بس اني عرسي جان مختلف بكلشي أصلا ميتسمى عرس
حتى الفاتحه يجوز الواحد يتونس بيها اكثر
لزمني من شعري وهو يصرخ ويصيح اسمع صوت الولد برا يردون يدخلون بس ميكدرون لان حتى وضعي مو مال يدخلون عليه
هناء جانت واكفه وهي تكوله ..خاله فدوه عوفها اختك هاي ميصير الجاي تسوي بيها خطيه عوفها حامل ومريضه
هو باوعلي متفاجأ ترك شعري وگال .. حااامل!!
هزيت راسي بنعم عدلت شعري واني اباوعله بعصبيه ..
دخل عمر وملامح الخوف ظاهره عليه باوع لامجد وكال : خير شعندك جاي
هو رد عليه بغضب .. اجيت اشوف اختي ليش لازم اخذ منك اذن؟
عمر :شلون تتجرأ تدخل لبيتي ولغرفتي والاسوء من هيج تدخل تتهجم على مرتي
امجد : مرتك لو تعرف شنو مسويه جان ذبحتها ع قبله
عمر :اطلع برا اخذ موبايلك وسوالفك چذبك واتهاماتك واطلع من بيتي ماريد اشوف خلقتك .
هو باوعلنه بغضب وتقرب مني رفع راسي وكال :اني الج اصبريلي اذا ما اطيح حظج يا زماله ما اطلع امجد
عمر :اطلع برا انتَ صدك متستحي
هز راسه وطله معصب واني كعدت هلى الچربايه احس رجليه ثكلن ماكدر امشي حتى
سمعت عثمان يحچي وياه .. ترى ميصير هيج لا خجل ولا مستحى دخل للبيت گبل بدون استأذان والله لو بمكانك جان طيحت حظه
غمضت عيوني ودموعي غضب عني نزلت دخل هو للغرفه كعد بصفي وسحبني لحضنه بقينه ساكتين ثواني بعدهه گمت اخذت ملابس وسبحت
طلعت من الحمام نشفت شعري وكعدت بالغرفه محتاره شنو اسوي
كله بسبب نورهان
رجعت بذاكرتي لايام قبل
جنت اقره ودخلت هي وضعهه غريب فزيت من مكاني واخذت موبايلهه وجان اشوف المصيبه
أنت تقرأ
كفاك ظلماً
Mystery / Thrillerكفاك ظلماً (الامرأة المتمردة) أكتب إليك فلا أحدٍ حولي سيفهم ما بداخلي.. أنا إمرأة بسيطة للكثير من الهموم تحتوي.. فرحي قليل حزني كثير شربت من الحياة ولم أرتوي من حولي لا يفهمني أحدثهم ولا أحد منهم يسمعني وكأن الحظ يعاندني والوجع يصاحبني.. وصدقًا أغ...
