كفاك ظلماً
البارت الثاني
الكاتبه طيف عامر
هناك من يرى ان الحب حياة، وهناك من يراه كذبة، كلاهما صادق، فألاول التقى بروحه والثاني فقدها...
....
روح.. حسيت على ايد دافيه تتلمس ايدي فزيت مرعوبه وخايفه هو واكف يباوعلي بنظره حنونه وكانما خايف عليه
باوعت لانحاء الغرفه كانما استعيد بذاكرتي الي صار معقوله جان حلم !
مسحت وجهي بتعب وحجيت. . اريد أطلع منا ماريد ابـقى
عدل وكفته و رد عليه ... هسه راح تطلع تحاليلج ونطلعج اذا ماكو شي
عدل كعدتي وجاوبته... حلمت حلم محلو
حلـمت إني حامل وممرضه اخذتني لـفـارس
جيت انجلط الا شويه
عمر... لتخافين ميگدر كلشي يسوي اول ما يحاول يظهر هالمره اذبحه بأيدي
واصلاً مكان عام ومليان كاميرات وين يكدر يخطي هيج خطوه هذا القذر
هزيت راسي واني احاول اهدئ من نفسي صدك هو ميكدر لان مطلوب بهواي قضايا
اجت خاله هناء تباوعلي بعتب ساكته واني هم محجيت شي
استحيت من الي سويته حسيت نفسي رعنه ولساني فالت يحتاجلي تربيه
هو راح يجيب التحليل هي ساكته بس تهز برجلهه بتوتر
دخل وعلامات البؤس ظاهره عليه عرفت بخبر حملي من نظراته
هناء كالت مبروك بس، وهو اصلا ما حجه بس يهز راسه وكاللهه.. خاله مترحين للدكتوره تصيحيهه دنروح
هي هزت راسهه وراحت.. رجعت راسي على المخده ودموعي تنزل تعبر عن حزني
دخلت الدكتوره ضلت تحجي على الحمل وشلون اهتم بنفسي كالت راجعيني بعيادتي اجيك وضعج
طلعنه بعد ما سمحت النه وطمنت على وضعي الطريق كله يسوق سريع الهدوء سيد المكان بس احش بطني تاذيني واخاف احجي وابتلي .
اول ما دخلنه هو بقى بالسياره واني نزلت ضليت اباوعله فتح الباب ونزل من سيارته توجه لبيت عمته- علياء -
اول ما دخلت صارت دارين اخته بوجهي كالت... ها خيركم شكو
جاوبتهه امهه.. ماكو شي بس هي نزفت لان حامل
هي كالت هيج لو ساره تخبلت طلعت من المطبخ تتوعدلي وتجاوز اني واكفه منتظرتهه تكمل كامت تدعي دعاوي عليه
كلهه مقبلت على تصرفهه وكلامهه
خاله هناء ضلت تحجي وياهه بس ميفيد كالتله.. راح اكول لبكر اخلي يطيح حظج بالقران شنو هاللسان ولج عوذه فوك ما اندكيتي بيهه يطبج مرض شنو جنتي متوقعه منها ..
هي ردت بصوت عالي... اكلج ضربتني براسي تكوليلي تستاهلين لا هي يطبهه مرض لان مدت ايدهه عليه
ومادامهه حقيره وخبيثه الا اشد وياهه واطيح حظهه
أنت تقرأ
كفاك ظلماً
Mystery / Thrillerكفاك ظلماً (الامرأة المتمردة) أكتب إليك فلا أحدٍ حولي سيفهم ما بداخلي.. أنا إمرأة بسيطة للكثير من الهموم تحتوي.. فرحي قليل حزني كثير شربت من الحياة ولم أرتوي من حولي لا يفهمني أحدثهم ولا أحد منهم يسمعني وكأن الحظ يعاندني والوجع يصاحبني.. وصدقًا أغ...
