كفاك ظلماً

بارت 21

#كفاك ظلماً

" خدعوك فقالوا أن الضربات التي لا تقتلك تجعلك أقوى، دعوني أحدثكم عن الناجين من الضربات القاتلة:
الناجون من الضربات القاتلة يمكنهم أن يحدثوكم عن هذا الخوف الذي يلازمهم بقية حياتهم، الخوف من اﻷيام، الخوف من ضربة جديدة، يمكنهم أن يحدثوكم عن كيف فقدوا الشعور باﻷمان والثقة في اﻵخرين، وربما الثقة في أنفسهم.
الناجون من الضربات القاتلة يصابون بنوع من تبلد المشاعر، يصبحون لا مبالين، لا شيء يحزنهم، لا شيء يسعدهم، أصبحوا يعرفون جيدا حقيقة أن لا شيء يدوم.
الناجون من الضربات القاتلة يعيشون وحيدين، مهما كان الزحام حولهم هم يعلمون جيدا أن الجميع سيهرب من حولهم حال تلقيهم ضربة جديدة.
الضربات القاتلة يا صديقي تعلم اﻷنانية والقسوة.
الضربات القاتلة تجعلك قويا، لا يعرف أحد شيئا عن اﻷنقاض التي يحملها بداخله ... "

..

صوتوا وعلقولي احب تعليقاتكم وقربكم بالقصة... 💯

....

عثمان... ضليت صافن بالمسج شبيه هذا ليش هيح يحجي وياي رفعت راسي مرته تباوعلي باستغراب كمت من مكاني وابتسمت مجاملة وكلت الهه... رايح اني خابرني صديقي يله ام ادم اشوفج بغير وقت

هي ضلت تباوعلي
اختفت ابتسامتي وكلت يجوز متقبل اصيح الهه باسم ابن زوجهه بس هي قطعت افكاري من كالت... عفيه عثمان دربالكم على ادم وصي امك عليه

هزيت راسي وطلعت اتصلت بعمر ما جاوب وين الكاه بله هذا
تمشيت لخارج المستشفى صدفه شفت مجتمعين ناس وصياح باوعت الهم بفضول جان انصدم بعمر

وكفت مقابيله افتهم شبيه هو تخبل كام يغلط ويصيح حتى على ممرضات ما سلمن جابهه وحده وحده ومدير المستشفى يتوسل بيه يسكت

عمر،،، نص ساعه ابني اذا ميرجعلي متلومون غير نفسكم
ـ اهدء يا عيني ان شاء الله نلكاه يحوز خلل صاير وتبدل احد الاطفال وياه

عمر،،، لا خلل ولا شي ابني اريده وين اخذتوا هسه ترجعه ديلااا
ـ ياعيني بس اهدء هسه نشوف الكامرات ونتاكد

عمر،،، شتتاكد ولكك ابني ماكوو اخذتوا مكان عام ونسرق مني   بنص الخدج راح متستحون متخافون ربكم حتى الاطفال ما سلموا منكم هسه يرجع لا والخلق السموات والارض احرك المستشفى على روسكم

ـ  هسه ندور لتشيل هم
تقربت على عمر وجهه احمر من العصبيه ونار بس شافني عاط بيه
ـ انت مو اخابرك لييش متجاووب

بلعت ريكي وجاوبته،،، عبالي ماكو شي مهم والله
هو سكت ومسح شعره بايده الثنين ايد منهن صارت على خصره والثانيه خلاهه على حلمه محتار

عمر،،، خابر ابووك خلي يجي ابني ماكو ملكيته عثمان،، شلون ماكو شمو هالحجي
عمر،،، رحت اشوفهم لكيت بس واحد والممرضه تكلي اني جديده ومن أول ما اجيت بس طفل واحد موجود بهالمكان