#كفاك_ظلماً
#البارت_١٨»
#طيف_عامر
سأشبعك تجاهل لتعلم أن النعم إذا أهملت لا تدوم
ويدي لا تلوى وقلبي لا يهان .🙂✋🏻
..........
نورهان : الكل طلعوا ورا روح لا تسوي شي لزمن واني ضليت واكفه بالباب راح اشوفهه للحقيره وارجع اضوج نفسي
ضليت واكفه واهلي يدكون بالباب خفت لا يقتلون اختي الي ميخافون من الله
ضليت ابجي ورخت اصرخ واغلط عليهم الناس التموا يردون يفتحون الباب ميكدرون لأن حديد
والحايط حيل عالي جابو درج حديد وصعد صادق مجرد ما استند على الحايط سمعنا صوت طلقة صار صوت الصريخ عالي أكيد قتلوها الميخافون من الله
قتلو اختي الحقراء كله بسببي راحت ضليت ادك على وجهي وثارت طلقه ثانية خلتنه مفجوعين وضع امي صعب وابوي يصرخ ويغلط على خالي
صادق فتح الباب ودخلوا واني خايفه لا اشوف اختي روح ملسوبه منها الروح
قويت نفسي ودخلت وريحه الدم لعبت نفسي رحت اتقيئ ورجعت اصيح بإسم اختي
ماكو روح اختي دخلت للبيت بس مالها اثر دورت بالغرفه والصاله ماكو الها أثر
هي دخلت للبيت مستحيل تكون طالعه بس وين حتى لو لا سمح الله قتلوهه وينها
ضليت ادور عليها والبيت نخبص اسمع صوت جيرانه يصيح
: جيبوا سيارة عقيل بعده عايش يله بسرعة قبل ميموت
طلعت من البيت ريحة تلعب سبعين نفس نصهم طلعوا وامي تدور على روح
إسراء : ولج وين اختج
نورهان : ماعرف دورت بكل مكان ماكو وين اخذوها
راحت لام فرقد الي منتهيه من الصريخ كعدت مقابيلهه ولزمتهه من ثوبها الي مزقته
أسراء : وين بنتي ولج وين وديتوها وين احجي الله ليوفقكم
نورهان : يمه عوفيها فدوه
كامت لازمه راسها وتبجي
: بنتي وين جان لازم سلاح وين ودوها
علا : استهدي بالرحمـٰـن عمه ماطلعن غير طلقتين وحده بقرقد وحده بابوه يعني هي مبيهه شي بس دورن عليها
نورهان : ماكو مكان ما دورت بيه ماكوو
علا : شفتي الترك؟؟
نورهان : لاا
علا : خاف بيه كلشي يصير
هزيت راسي ورحت فتحت الباب لكيتهه نايمه بالكاع ومغمضه عيونهه خفت لا بيهه شي
بس تقربت منها كالت : اخذوهم؟
نورهان : اي، ليش هنا انتي خفنه عليج امي شكد بجت فدوه كومي نروح
أنت تقرأ
كفاك ظلماً
Misterio / Suspensoكفاك ظلماً (الامرأة المتمردة) أكتب إليك فلا أحدٍ حولي سيفهم ما بداخلي.. أنا إمرأة بسيطة للكثير من الهموم تحتوي.. فرحي قليل حزني كثير شربت من الحياة ولم أرتوي من حولي لا يفهمني أحدثهم ولا أحد منهم يسمعني وكأن الحظ يعاندني والوجع يصاحبني.. وصدقًا أغ...
