كفاك ظلماً

31

#كفاك ظلماً
#البارت الواحد والثلاثون
#للكاتبه ـ طيف عامر
.
.

المثلي ابنضره وحده الفكره توصله
اتوقع قريبا؟ عني يتخله ؟

واصير انسان عابر حالي حال الناس
والتعب اتعبته..ينكر  كله

والحب والمشاعر ؟ ..يامشاعر ها
ذني استهلكن و انرمن بالسله

طيب والرسايل؟ انته والمرسال
ابقائمة التجاهل راح تتخله

ماكلي ارد اعوفك ؟يعني مو اله!!
ليحس ماله داعي الباب يندله

ليحس اليحبه باله مو وياه
يكعد يمه ساعه وكلمه ميگله

اهنا يعني الكرامه قربت تنداس
اهنا يصبح وجودك منتهى الذله

لا بعده  يحبني..اشبعد وشخله
ارجع  للسوالف تعرف العله

اول وحده لمن  صار رسمي وياك
الخطوه الثانيه ايدورلك الزله

لو يطلع وياك ابقصه مو عالبال
لو يدخل عليك ابلغز  متحله

جذب تشويه صوره المهم يتبله
المايعرف يحب خل يسكت احسنله

الناوي يروح ..لو تسجدله هم يروح
عوفه ابراحته  فدوه  ابقى لتگله

والزم دمعتك وفرها لليسوون
لا تصرف دمع عالجاي  يتسله

موشرط الجريمه اثر دم وسلاح
اليلعب عالمشاعر بشر كاتله

ربك مايضيع دعوة المجروح باوع للسما وادعيله بالمثله

.

.
روح ...

ماعرف شنو من حظ عندي حتى تجيني كل هـ المصايب دفعه وحدة..

جانت تباوع والشر بعيونها
ساعات الصباح الأولى عمو ماعرف وين
خاله نايمه وامهه همات نفس الشي
عمر بالحمام واني وحدي بالمطبخ..

مجرد گتلهه كلمات قليله جانت كافيه حتى تهجم عليه اني تخبلت شلون تريد تضربني ضليت مصدومه لا اخذ ولا انطي

محسيت الا بضربه على راسي احس عيوني راح ينفجر شريان بيهن
سحبت الخاشوگه الچبيره وضربتهه بقوه على ايدهه..

هي تخبل صاحت.. كح**تضربيني سا**تعاونتي ويا  الك**مالتج وگتلتوا اختي..

اني من عصبيتي لزمتهه من عبايتهه ورگعتهه بالجدر رادت تاخذه مني رجعت ضربتهه وهي عبالك هايشه شكبرهه

ليش ما وگع الجدر وهي لزمتني طلعت حرگتهه بيه وحرگه موت اختهه
ملختني تملخ اني شعري خفيف واگع نصه من العمليات والعلاج وهي كامت تهلس بيه..

اني بس اصرخ ولج عوفيني بربوك انعل والديج يا كلبه وخرري مني ولج حيوانه 
اني اعلمج زمااله

هي من سمعت غلطي عليهه دفرتني على صدري بس شنو حسيت نفسي وگف اريد اسحب نفس ماكدر.

رجليه بعد متعيني وكعت واسمع صوت ركض على الدرج هو نزل وشافهه تخبل صاح ـ غفررران العار شعندج جايه ولج