كفاك ظلماً

البارت الـ11

كفاك ظلماً
البارت 11

#طيف عامر

....

كل الحسرة على الأيّام، على الشعور، على
كل الأشياء التي ظننا أنّها حقيقية وتشوّهت
بالندم.... 🖤

.....

روح

من شفته حسيت بالخوف والقلق جان واكف قريب على بيتنه ولابس قمصله ويباوع بنفس نظراته القذره

اني رجعت للاسواق الي بيهه علياء شفتهه جانت تدفع للكاشير وكفت وراهه وهي شافتني وكفت وكالت

-ها شبيج شو رجعتي

-خاله شفت فرقد

هي باوعتلي باستغراب وكالت - خاف مشتبهه هو شحده يجي لهناا غير عمر يموته

-لا والله شفته حتى جان يباوعلي ويضحك خاله اني كلش خايفه فدوه خلي نرجع

طلعنا وهي تدور عليه بس ماكو عبالك فص ملح وذاب وخاله تكلي مشتبهه ماكو شي يتهيألج بس إني متأكده

دخلت لللبيت جانت زينه نايمه لان خلصت امتحانات نصف السنه اخذتهه فرصه كامت تنام اكثر من عشر ساعات وخاله متخبله تكول ضليت وحدي راح اموت من الضوجه

لكيت موبايلهه يدك ،،، عثمان يتصل بهاي الفتره صاروا علاقتهم اقوى واني دائما انصحها تبتعد وتفكر بدراستها رغم هو عاقل وحباب كلش بس لو يخطبهه افضل من ما يسوون علاقه وحجي ومخابرات

رحت لبيت عمو لكيت بكر يلاعب بأدم ولارا يمهم من دخلت تلكتني مبتسمه.. يا هلا

روح -هلا بيج عمرري اجيت اخذ ادم آسف خاف تعبناكم

بكر-لا يابه يا تعب بالعكس هو محلي البيت بدونه كئيب ومحلو

لارا-ما الله هداج وترجعين للبيت!!

روح- ان شاء الله من اتحسن

لارا -شنو كالت الدكتوره

طلعنه بالطرمه وادم لازم ايدي يريدي اشيله واني ماكدر

روح- ماعرف اخاف لا افرح وافكر بايجابيه وتالي انصدم لما اولد

لارا-ليش شكوو

روح -كالتلي اكو خبر مفرح بس اني منعتهه بس بالطريق فكرت خاف إني حامل بتؤم

لارا -ان شاء الله

روح-اخاف لا يطلع مشوه وساعتها انهار وتخيب امالي

لارا -كولي يا الله لتفكرين بهالموضوع بعدين صدك بطنج جبيره

رفعت الستره وابتسمت تلمست بطني معقوله يعني يصيرون عندي كتكوتين مع بعض

اخذت ادم ورحنا لخاله جانت ترزل بـ زينه اني جريت الشال من راسي وشمرته عليهه -كوميي هيووو